ವಝೆಗಲ್ಲಿಯ ಪುರಾತನ ಬಾವಿ ಕುಸಿತ

ಬೆಳಗಾವಿ: ಒಂದು ಶತಮಾನಕ್ಕೂ ಹೆಚ್ಚು ಕಾಲದಿಂದ ನಗರದ ವಡಗಾವಿ ವಝೆಗಲ್ಲಿಯ ಜನರಿಗೆ ನೀರು ನೀಡುತ್ತಿದ್ದ ತೆರೆದ ಬಾವಿಯ ಒಳಗಿನ ಕಲ್ಲಿನ ಗೋಡೆ ಶನಿವಾರ ಬೆಳಗಿನಜಾವ ಇದ್ದಕ್ಕಿದ್ದಂತೆ ಕುಸಿದು ಬಿದ್ದಿದೆ.

ಬಾವಿ ಗಟ್ಟಿಮುಟ್ಟಾಗಿ ಇದ್ದ ಕಾರಣ ಪಾಲಿಕೆ ಮತ್ತು ಜಲಮಂಡಳಿಗಳು ಫಿಲ್ಟರ್‌ ಯುನಿಟ್‌ ಅಳವಡಿಸಿದ್ದವು. ಇದು ಸುತ್ತಲಿನ 5-6 ಸಾವಿರ ಜನರಿಗೆ ನೀರು ನೀಡುತ್ತಿತ್ತು. ಪಾಲಿಕೆ ಮತ್ತು ಜಲಮಂಡಳಿ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿ, ದುರಸ್ತಿ ಕಾರ್ಯಕೈಗೊಂಡಿದ್ದಾರೆ. ಶೀಘ್ರ ಬಾವಿಯನ್ನು ಪುನರ್‌ ನಿರ್ಮಾಣ ಮಾಡಿ ಇಲ್ಲಿಂದ ನೀರು ಪೂರೈಕೆಯನ್ನು ಪುನಾರಂಭಿಸಲಾಗುವುದು ಎಂದು ಜಲಮಂಡಳಿಯ ಕಾರ್ಯಕಾರಿ ಅಭಿಯಂತರ ವಿ.ಎಲ್‌. ಚಂದ್ರಪ್ಪ ಮತ್ತು ಪಾಲಿಕೆಯ ಸಹಾಯಕ ಕಾರ್ಯಕಾರಿ ಅಭಿಯಂತರ ರಾಚನಾಯ್ಕರ್‌ ತಿಳಿಸಿದ್ದಾರೆ.