ಕಲುಶಿತ ಪೈಪ್‌ಲೈನ್‌ ವಾಲ್‌ ಸ್ವಚ್ಛಗೊಳಿಸಿದ ಸಾರ್ವಜನಿಕರು

ತೆಲಸಂಗ: ಗ್ರಾಮದ ಬಸ್‌್ಸ ನಿಲ್ದಾಣದ ಬಳಿಯ ಬೋರ್‌ವೆಲ್‌ ಬಳಿ ಇರುವ ಕುಡಿಯುವ ನೀರು ಪೂರೈಕೆಯ ಪೈಪ್‌ಲೈನ್‌ ವಾಲ್‌ನ ತಗ್ಗನ್ನು ಗುರುವಾರ ಸಂಜೆ ಸಾರ್ವಜನಿಕರೇ ಸ್ವಚ್ಛಗೊಳಿಸಿ ಮಾದರಿ ಕಾರ್ಯಕ್ಕೆ ಸಾಕ್ಷಿಯಾದರು.

ಹಲವು ದಿನದಿಂದ ಈ ವಾಲ್‌ನ ತಗ್ಗಿನಲ್ಲಿಕೊಳೆ ನೀರು ನಿಂತಿತ್ತು. ಕುಡಿಯುವ ನೀರಿನೊಂದಿಗೆ ವಾಲ್‌ಮೂಲಕ ಗಟಾರದ ನೀರು ಬರುತ್ತಿತ್ತು. ಗ್ರಾಮ ಪಂಚಾಯಿತಿಗೆ ಹಲವು ಬಾರಿ ಹೇಳಿದರೂ ಯಾರೊಬ್ಬರೂ ತಲೆಕೆಡಿಸಿಕೊಂಡಿದ್ದಿಲ್ಲ. ಇತ್ತಿಚೆಗೆ ಇಲ್ಲಿಯ ಗಟಾರಿನಲ್ಲಿಹಂದಿ ಸತ್ತು ಬಿದ್ದು ಗಬ್ಬು ವಾಸನೆ ಎದ್ದಿತ್ತು. ಇಷ್ಟಿದ್ದರೂ ಗಟಾರ ನೀರು ಈ ವಾಲ್‌ನ ತಗ್ಗಿನಲ್ಲಿಬಾರದಂತೆ ನೋಡಿಕೊಳ್ಳುವಲ್ಲಿಗ್ರಾಮ ಪಂಚಾಯಿತಿಯವರು ವಿಫಲವಾಗಿದ್ದಲ್ಲದೆ ಕೊಳೆ ನೀರಲ್ಲಿಯೇ ನಿಂತ ವಾಲ್‌ ತಿರುವಿ ಮನೆ ನಳಗಳಿಗೆ ನೀರು ಕೊಡುತ್ತಿದ್ದರು.

ಇದನ್ನು ಗಮನಿಸಿದ ಗ್ರಾಮದ ಸಾರ್ವಜನಿಕರು ಸ್ವಯಂ ಪ್ರೇರಣೆಯಿಂದ ಸ್ವಚ್ಛಗೊಳಿಸಿದರು. ಇಲ್ಲಿಯ ವಾಲ್‌ಗೆ ಕೊಳಚೆ ನೀರು ಬಾರದಂತೆ ವ್ಯವಸ್ಥೆ ಮಾಡಿ ಕುಡಿಯುವ ನೀರಿನ ಪೈಪ್‌ ಸೇರದಂತೆ ನೋಡಿಕೊಳ್ಳಬೇಕು ಎಂದು ಗ್ರಾಮ ಪಂಚಾಯಿತಿಯವರಲ್ಲಿಸ್ಥಳೀಯರು ಮನವಿ ಮಾಡಿದರು.