ಶಾಶ್ವತ ಕುಡಿವ ನೀರಿಗಾಗಿ ಇಂದು ಅಥಣಿ ಬಂದ್‌

ಅಥಣಿ : ಕೃಷ್ಣಾ ನದಿಗೆ ನೀರು ಹರಿಸುವಂತೆ ಮತ್ತು ಕುಡಿವ ನೀರಿನ ಸಮಸ್ಯೆಗೆ ಶಾಶ್ವತ ಪರಿಹಾರಕ್ಕೆ ಒತ್ತಾಯಿಸಿ ಸೋಮವಾರ ಕೃಷ್ಣಾ ನದಿ ನೀರು ಹೋರಾಟ ಸಮಿತಿ ಹಾಗೂ 40ಕ್ಕೂ ಸಂಘಟನೆಗಳ ವತಿಯಿಂದ ಅಥಣಿ ಬಂದ್‌ ಕರೆ ನೀಡಲಾಗಿದೆ ಎಂದು ಸಮಿತಿಯ ಬಸನಗೌಡಾ ಪಾಟೀಲ ಮತ್ತು ವಿಜಯಕುಮಾರ ಅಡಹಳ್ಳಿ ತಿಳಿಸಿದರು.

ಅವರು ಭಾನುವಾರ ಸಿಪಿಐಗೆ ಮನವಿ ಸಲ್ಲಿಸಿ ಬಳಿಕ ಮಾತನಾಡಿದರು. ಬೆಳಗ್ಗೆ ಸ್ಥಳೀಯ ಸಿದ್ಧೇಶ್ವರ ದೇವಸ್ಥಾನದಿಂದ ಪಾದಯಾತ್ರೆ ಆರಂಭವಾಗಿ ಮೂಲಕ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಹಾಯ್ದು ಅಂಬೇಡ್ಕರ ವೃತ್ತದ ಮೂಲಕ ಫಾಸಿ ಕಟ್ಟೆಗೆ ತಲುಪಿ ಸಮಾರೋಪಗೊಳ್ಳಲಿದೆ ಎಂದರು.

ನ್ಯಾಯವಾದಿಗಳ ಸಂಘದ ಅಧ್ಯಕ್ಷ ಕೆ.ಎ. ವನಜೋಳಿ, ರಮೇಶ ಸಿಂದಗಿ, ಎಸ್‌.ಎಸ್‌. ಪಾಟೀಲ, ಪ್ರಕಾಶ ಕಾಂಬಳೆ, ಮಹೇಂದ್ರ ರಾಜಿಂಗಳೆ, ವಿನಾಯಕ ಬಿ.ಜೆ, ಪಂಡೀತ ನೂಲಿ, ಪ್ರಶಾಂತ ತೋಡ್ಕರ, ಬಸವರಾಜ ಕಾಂಬಳೆ, ಮಹಾಂತೇಶ ಬಾಡಗಿ, ಜಗನಾಥ ಬಾಮನೆ, ಚಿದಾನಂದ ಸೇಗುಣಸಿ, ಸುನೀಲ ನಾಯಿಕ ಸೇರಿದಂತೆ ಅನೇಕ ಸಂಘ ಸಂಸ್ಥೆಗಳ ಪದಾಧಿಕಾರಿಗಳು ಉಪಸ್ಥಿತರಿದ್ದರು.