ಸೌಲಭ್ಯ ಕಲ್ಪಿಸುವಲ್ಲಿ ಟೋಲ್‌ ಸಂಗ್ರಹಣಾ ಕೇಂದ್ರ ವಿಫಲ

ಹಿರೇಬಾಗೇವಾಡಿ: ಸ್ಥಳೀಯ ಟೋಲ್‌ ಸಂಗ್ರಹಣಾ ಕೇಂದ್ರದವರು ಗ್ರಾಮಕ್ಕೆ ಮೂಲ ಸೌಲಭ್ಯ ಕಲ್ಪಿಸುವಲ್ಲಿವಿಫಲರಾಗುತ್ತಿದ್ದಾರೆ ಎಂದು ಆರೋಪಿಸಿ ಗ್ರಾಮಸ್ಥರು ಗುರುವಾರ ಗ್ರಾಮ ಪಂಚಾಯಿತಿಗೆ ಮನವಿ ಸಲ್ಲಿಸಿದರು.

ಟೋಲ್‌ ಸಂಗ್ರಹಣಾ ಕೇಂದ್ರ ಅರಂಭವಾದಾಗಿಂದಿ ಗ್ರಾಮಸ್ಥರಿಗೆ ಮೂಲ ಸೌಲಭ್ಯ ಸರಿಯಾಗಿ ದೊರಕುತ್ತಿಲ್ಲ. ಆದ್ದರಿಂದ ಅಧಿಕಾರಿಗಳನ್ನು ಕರೆಯಿಸಿ ಸಾರ್ವಜನಿಕರ ದೂರಿನ ಬಗ್ಗೆ ವಿಚಾರಣೆ ನಡೆಸಬೇಕು ಎಂದು ಆಗ್ರಹಿಸಿದರು.

ಸಾರ್ವಜನಿಕರ ಅಹವಾಲು ಆಲಿಸಿದ ಪಿಡಿಒ ಈ ಕುರಿತು ಅಗತ್ಯ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದರು. ರೈತ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಪ್ರಶಾಂತ ದೇಸಾಯಿ, ಉಕ ಜನ ಸಂಗ್ರಾಮ ಪರಿಷತ್‌ ಪ್ರಧಾನ ಕಾರ್ಯದರ್ಶಿ ಮಂಜುನಾಥ ವಸ್ತ್ರದ, ಜೆಡಿಎಸ್‌ ಮುಖಂಡ ಪ್ರಭು ಬೂದಯ್ಯನವರಮಠ, ರಾಜು ರೊಟ್ಟಿ, ಬಾಪು ನಾವಲಗಟ್ಟಿ, ಬಸವರಾಜ ಕಾದ್ರೊಳ್ಳಿ, ಅಬು ಖತೀಬ, ಶಂಕ್ರಯ್ಯಾ ಹಿರೇಮಠ, ಚಂದ್ರು ಬಾನಿ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.