ಹಿಮ್ಮುಖ ಚಲಿಸಿ ಪಲ್ಟಿಯಾದ ಟ್ರಾಲಿ

ಹುಕ್ಕೇರಿ: ಪಟ್ಟಣದ ಮೂಲಕ ಕಬ್ಬು ಸಾಗಿಸುತ್ತಿದ್ದ ಟ್ರ್ಯಾಕ್ಟರ್‌ ಟ್ರಾಲಿ ಎಂಜಿನ್‌ನಿಂದ ಬೇರ್ಪಟ್ಟು ಹಿಮ್ಮುಖವಾಗಿ ಚಲಿಸಿ ಪಲ್ಟಿಯಾಗಿದೆ. ಈ ವೇಳೆ ವ್ಯಕ್ತಿಯೊಬ್ಬರು ಸಮಯ ಪ್ರಜ್ಞೆ ಮೆರೆದು ಟ್ರಾಲಿಯ ಗಾಲಿಗೆ ಕಲ್ಲುಇಟ್ಟಿದ್ದರಿಂದ ಸಂಭವನೀಯ ಅಪಘಾತ ತಪ್ಪಿದೆ.

ಪಟ್ಟಣದ ರಾಜಧಾನಿ ಹೋಟೆಲ್‌ ಎದುರಿನ ರಸ್ತೆಯಲ್ಲಿಈ ಅಪಘಾತ ಸಂಭವಿಸಿದೆ.

ಟ್ರ್ಯಾಕ್ಟರ್‌ ಎಂಜಿನ್‌ ಮತ್ತು ಟ್ರಾಲಿಯ ಕೊಂಡಿ ಏಕಾಏಕಿ ತಪ್ಪಿದ್ದರಿಂದ ಸಂಪರ್ಕ ಕಡಿತಕೊಂಡ ಕಬ್ಬು ತುಂಬಿದ್ದ ಎರಡು ಟ್ರಾಲಿಗಳು ಹಿಮ್ಮುಖವಾಗಿ ಚಲಿಸಲು ಆರಂಭಿಸಿತು. ಇದನ್ನು ನೋಡಿದ ಜನ ಮೂಕ ಪ್ರೇಕ್ಷಕರಾಗಿ ನಿಂತಿದ್ದರು. ಈ ವೇಳೆ ಕಲ್ಲುಹಿಡಿದುಕೊಂಡು ಓಡಿ ಬಂದ ವ್ಯಕ್ತಿಯೊಬ್ಬರು ಟ್ರಾಲಿಯ ಗಾಲಿಗೆ ಅಡ್ಡಲಾಗಿ ಇಟ್ಟರು. ಆವಾಗ ಒಂದು ಟ್ರಾಲಿ ಪಲ್ಟಿಯಾದರೆ, ಇನ್ನೊಂದು ಟ್ರಾ$ಲಿ ನಿಂತಿತು. ಘಟನೆ ಬಳಿಕ ಚಾಲಕ ಟ್ರ್ಯಾಕ್ಟರ್‌ ಬಿಟ್ಟು ಪರಾರಿಯಾಗಿದ್ದಾನೆ.

ತಪ್ಪಿದ ಅವಘಡ: ಟ್ರ್ಯಾಕ್ಟರ್‌ನಿಂದ ಸಂಪರ್ಕ ಕಡಿದುಕೊಂಡ ಟ್ರಾಲಿಗಳು ಇನ್ನಷ್ಟು ದೂರ ಚಲಿಸಿದ್ದರೆ ಭಾರೀ ಅಪಘಾತ ಸಂಭವಿಸುವ ಸಾಧ್ಯತೆ ಇತ್ತು. ಬಸ್‌, ಕಾರ್‌ ಹಾಗೂ ದ್ವಿಚಕ್ರ ವಾಹನಗಳಿಗೆ ಡಿಕ್ಕಿ ಹೊಡೆಯುವ ಸಂಭವ ಇತ್ತು.