ಪ್ರಜ್ಞೆ ತಪ್ಪಿಸಿ ಮಂಗಳಸೂತ್ರ ಕದ್ದಿದ್ದ ಇಬ್ಬರ ಬಂಧನ

ಬೆಳಗಾವಿ: ಮಹಿಳೆಯ ಪ್ರಜ್ಞೆ ತಪ್ಪಿಸಿ ಮಂಗಳಸೂತ್ರ, ಪರ್ಸ್‌ ಕಳ್ಳತನ ಮಾಡಿದ್ದ ಆರೋಪಿಗಳನ್ನು ಖಡೇಬಜಾರ ಠಾಣೆ ಪೊಲೀಸರು ಬುಧವಾರ ಬಂಧಿಸಿದ್ದಾರೆ.

ಕಾಕತಿ ಗ್ರಾಮದ ಸಿಂಪಲ್‌ ಲೊಂಡೆ ಮತ್ತು ಬಿನಾಬಾಯಿ ಲೊಂಡೆ ಬಂಧಿತರು. ಕಾಕತಿ ಗ್ರಾಮದ ರೇಶ್ಮಾ ಪರಶುರಾಮ ದೇಸಾಯಿ ಅವರು ಕಳೆದ ಅಕ್ಟೋಬರ್‌ನಲ್ಲಿ ಕಾಕತಿಯಿಂದ ಖಾಸಗಿ ಸಾರಿಗೆ ವಾಹನದಲ್ಲಿ ಸಂಚರಿಸುವಾಗ ಆರೋಪಿಗಳು ಪ್ರಜ್ಞೆ ತಪ್ಪಿಸಿ ಮಂಗಳಸೂತ್ರ ಹಾಗೂ ಪರ್ಸ್‌ ಕದ್ದು ಪರಾರಿಯಾಗಿದ್ದರು. ರೇಶ್ಮಾ ದೇಸಾಯಿ ನೀಡಿದ ದೂರು ಆಧರಿಸಿ ತನಿಖೆ ನಡೆಸಿದ ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ.