ಸರಕಾರಿ ದಾಖಲೆಗಳ ಅನಧಿಕೃತ ಮುದ್ರಣ: ಅಂಗಡಿಗಳ ಮೇಲೆ ದಾಳಿ

ಬೆಳಗಾವಿ: ಸರಕಾರದಿಂದ ಪರವಾನಗಿ ಪಡೆಯದೇ ಆಧಾರ್‌ ಕಾರ್ಡ್‌, ಪ್ಯಾನ್‌ ಕಾರ್ಡ್‌, ರೇಷನ್‌ ಕಾರ್ಡ್‌ ಸೇರಿದಂತೆ ಇನ್ನಿತರ ದಾಖಲಾತಿಗಳ ಕಲರ್‌ ಪ್ರಿಂಟ್‌ ತೆಗೆಯುತ್ತಿದ್ದ ಎರಡು ಅಂಗಡಿಗಳ ಮೇಲೆ ಶನಿವಾರ ಕಂದಾಯ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿ ಕೆಲ ದಾಖಲೆಗಳನ್ನು ವಶಪಡಿಸಿಕೊಂಡು, ಅಂಗಡಿಗಳನ್ನು ಮುಟ್ಟುಗೋಲು ಹಾಕಿಕೊಂಡಿದ್ದಾರೆ.

ನಗರದ ಕೆಲವು ಅಂಗಡಿಗಳು ಸರಕಾರದ ಪರವಾನಗಿ ಪಡೆಯದೆ ವಿವಿಧ ದಾಖಲಾತಿಗಳ ಕಲರ್‌ ಪ್ರಿಂಟ್‌ ತೆಗೆದು ಹೆಚ್ಚಿನ ಹಣ ಪಡೆಯುತ್ತಿವೆ ಎಂದು ಸಾರ್ವಜನಿಕರು ದೂರಿದ ಹಿನ್ನೆಲೆಯಲ್ಲಿ ಬೆಳಗಾವಿ ಉಪವಿಭಾಗಾಧಿಕಾರಿ ಕವಿತಾ ಯೋಗಪ್ಪನವರ, ತಹಸೀಲ್ದಾರ ಮಂಜುಳಾ ನಾಯಕ ಹಾಗೂ ಸಿಬ್ಬಂದಿ ದಾಳಿ ನಡೆಸಿತು.

ಬೆಳಗಾವಿ ನಗರದಲ್ಲಿ ಆಧಾರ್‌ ಕಾರ್ಡ್‌ ಪ್ರಿಂಟ್‌ ತೆಗೆಯಲು 18 ಅಂಗಡಿಗಳು ಮಾತ್ರ ಪರವಾನಗಿ ಪಡೆದುಕೊಂಡಿವೆ. ಪರವಾನಗಿ ಇಲ್ಲದೆ ದಾಖಲಾತಿಗಳನ್ನು ವಿತರಿಸುವ ಅಂಗಡಿಗಳ ಮಾಲೀಕರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು.
-ಕವಿತಾ ಯೋಗಪ್ಪನವರ, ಉಪವಿಭಾಗಾಧಿಕಾರಿ.