ಆ್ಯಪ್ನಗರ

ಶುದ್ಧ ನೀರಿನ ಘಟಕಗಳ ಅವ್ಯವಸ್ಥೆ ಅನಾವರಣ

ಬೆಳಗಾವಿ: ಸರಿಯಾದ ನಿರ್ವಹಣೆ ಇಲ್ಲದೆ ಜಿಲ್ಲೆಯ ಬಹುತೇಕ ಶುದ್ಧ ...

Vijaya Karnataka 18 Jan 2020, 5:00 am
ಬೆಳಗಾವಿ: ಸರಿಯಾದ ನಿರ್ವಹಣೆ ಇಲ್ಲದೆ ಜಿಲ್ಲೆಯ ಬಹುತೇಕ ಶುದ್ಧ ಕುಡಿಯುವ ನೀರಿನ ಘಟಕಗಳು ಕಾರ್ಯ ನಿರ್ವಹಿಸುತ್ತಿಲ್ಲಎಂಬ ದೂರುಗಳು ಜಿಪಂ ಅಧ್ಯಕ್ಷೆ ಆಶಾ ಐಹೊಳೆ ಅವರು ನಡೆಸಿದ ಪೋನ್‌ ಇನ್‌ನಲ್ಲಿಕೇಳಿ ಬಂದವು. ಅಲ್ಲದೇ ಕೆಲವು ಕಡೆ ಶುದ್ಧ ನೀರಿನ ಘಟಕದ ಸಾಮಗ್ರಿ ಕಳ್ಳತನ, ಸ್ಥಳೀಯ ಅಧಿಕಾರಿಗಳ ನಿರ್ಲಕ್ಷ್ಯದ ಕುರಿತು ಗ್ರಾಮಸ್ಥರು ಮಾಹಿತಿ ನೀಡಿದರು.
Vijaya Karnataka Web unveiling the mess of pure water units
ಶುದ್ಧ ನೀರಿನ ಘಟಕಗಳ ಅವ್ಯವಸ್ಥೆ ಅನಾವರಣ


ಜಿಲ್ಲೆಯಲ್ಲಿನ ಶುದ್ಧ ಕುಡಿಯುವ ನೀರಿನ ಘಟಕಗಳ ಸ್ಥಿತಿಗತಿ ಅರಿಯಲು ಶುಕ್ರವಾರ ಜಿಪಂ ಅಧ್ಯಕ್ಷರು ಫೋನ್‌ ಇನ್‌ ಆಯೋಜಿಸಿದ್ದರು.

ರಾಮದುರ್ಗ ತಾಲೂಕಿನಿಂದ ಕರೆ ಮಾಡಿದ ವ್ಯಕ್ತಿಯೊಬ್ಬರು, ಹಲವು ಕಡೆ ಶುದ್ಧ ನೀರಿನ ಘಟಕಗಳ ಸಾಮಗ್ರಿಗಳನ್ನು ಕಳವು ಮಾಡಲಾಗಿದೆ. ಕೋನ್‌ ಬಾಕ್ಸ್‌, ಬ್ಯಾಟರಿ ಸೇರಿ ಬಿಡಿಭಾಗಗಳು ನಾಪತ್ತೆಯಾಗಿವೆ ಎಂದು ತಿಳಿಸಿದರು.

ಅಥಣಿ, ಚಿಕ್ಕೋಡಿ ತಾಲೂಕಿನ ಅನೇಕ ಗ್ರಾಮಗಳ ಜನರು ಕರೆ ಮಾಡಿ, ಪಂಚಾಯಿತಿ ಅಧಿಕಾರಿಗಳು ಘಟಕಗಳ ನಿರ್ವಹಣೆ ಮಾಡುತ್ತಿಲ್ಲ. ಗ್ರಾಮಸ್ಥರು ತಿಳಿಸಿದರೂ ನಿರ್ಲಕ್ಷ್ಯ ಮಾಡುತ್ತಿದ್ದಾರೆ. ಹಾಗಾಗಿ ಘಟಕಗಳು ನೀರು ನೀಡುತ್ತಿಲ್ಲಎಂದು ದೂರಿದರು.

ಇನ್ನು ಕೆಲವರು ಕರೆ ಮಾಡಿ, ಸರಿಯಾದ ಸ್ಥಳದಲ್ಲಿಘಟಕ ನಿರ್ಮಿಸಿಲ್ಲ. ಜನವಸತಿ ಕಡಿಮೆ ಇರುವ ಕಡೆಯಲ್ಲಿಘಟಕ ನಿರ್ಮಾಣ ಮಾಡಲಾಗಿದೆ. ಹೀಗಾಗಿ ಶುದ್ಧ ನೀರಿನ ಘಟಕ ಇದ್ದೂ ಇಲ್ಲದಂತಾಗಿದೆ ಎಂದರು.

ಕರೆ ಮಾಡಿದವರಿಂದ ಮಾಹಿತಿ ಸಂಗ್ರಹಿಸಿದ ಜಿಪಂ ಅಧ್ಯಕ್ಷರು, ಸ್ಥಳಕ್ಕೆ ಭೇಟಿ ನೀಡಿ ಸಮಸ್ಯೆ ಪರಿಹರಿಸುವುದಾಗಿ ಭರವಸೆ ನೀಡಿದರು.

ಅಧಿಕಾರಿಗಳು ಇರಲಿಲ್ಲ: ಜಿಪಂ ಅಧ್ಯಕ್ಷೆ ಆಶಾ ಐಹೊಳೆ ಅವರು ನಡೆಸಿದ ಫೋನ್‌ ಇನ್‌ ಕಾರ‍್ಯಕ್ರಮದಲ್ಲಿಸಂಬಂಧಿಸಿದ ಇಲಾಖೆಯ ಅಧಿಕಾರಿಗಳು ಭಾಗವಹಿಸಿರಲಿಲ್ಲ. ಹೀಗಾಗಿ ಸಾರ್ವಜನಿಕರು ಅಧ್ಯಕ್ಷರಿಗೆ ನೀಡಿದ ದೂರುಗಳಿಗೆ ಸ್ಪಂದನೆ ಸಿಗಲಿದೆಯೇ ಎಂಬ ಅನುಮಾನ ಮೂಡುವಂತೆ ಮಾಡಿದೆ.

ಫೋನ್‌ ಇನ್‌ ಕಾರ‍್ಯಕ್ರಮದಲ್ಲಿಸಾರ್ವಜನಿಕರಿಂದ ಅನೇಕ ದೂರುಗಳು ಬಂದಿವೆ. ಸಂಬಂಧಿಸಿದ ಶುದ್ಧ ಕುಡಿಯುವ ನೀರಿನ ಘಟಕಗಳಿಗೆ ಭೇಟಿ ನೀಡುತ್ತೇನೆ. ಅಲ್ಲಿನ ಘಟಕಗಳ ಸ್ಥಿತಿಗತಿ ತಿಳಿದುಕೊಂಡು ಜ.25 ರೊಳಗೆ ಎಲ್ಲಘಟಕಗಳನ್ನು ಸರಿಪಡಿಸಲು ಉದ್ದೇಶಿಸಲಾಗಿದೆ.
- ಆಶಾ ಐಹೊಳೆ, ಜಿಪಂ ಅಧ್ಯಕ್ಷೆ

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ