ಸೆಪ್ಟಂಬರ್‌ನಿಂದ ಶಾಲೆ ಆರಂಭಿಸಲು ಆಗ್ರಹ

ಬೆಳಗಾವಿ: ಪ್ರಾಥಮಿಕ ಮತ್ತು ಪ್ರೌಢಶಾಲೆಗಳನ್ನು ಜೂನ್‌ ಬದಲಿಗೆ ಸೆಪ್ಟಂಬರ್‌ ತಿಂಗಳಿನಿಂದ ಆರಂಭಿಸಬೇಕೆಂದು ಆಗ್ರಹಿಸಿ ನಗರದ ಸಿಟಿಜನ್‌ ಕೌನ್ಸಿಲ್‌ದವರು ಜಿಲ್ಲಾಧಿಕಾರಿ ಮತ್ತು ಕಾರ್ಯದರ್ಶಿ ಹಾಗೂ ಪದನಿಮಿತ್ತ ನಿರ್ದೇಶಕರು ಪ್ರೌಢಶಿಕ್ಷಣ ಇಲಾಖೆಯ ಎಂ.ಎಸ್‌. ಪ್ರಸನ್ನಕುಮಾರ ಅವರ ಮೂಲಕ ಶಿಕ್ಷಣ ಸಚಿವ ಸುರೇಶಕುಮಾರ ಅವರಿಗೆ ಗುರುವಾರ ಮನವಿ ಸಲ್ಲಿಸಿದರು.

ಕೊರೊನಾ ಹಾವಳಿ ಎಲ್ಲಕಡೆಗೆ ಇದೆ. ಮಕ್ಕಳಿಗೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು, ಮಾಸ್ಕ್‌ ಧರಿಸುವುದು ತಿಳಿಯುವುದಿಲ್ಲ. ಇನ್ನು ಮಳೆಗಾಲ ಆರಂಭವಾಗುವುದರಿಂದ ಸ್ಕೂಲ್‌ ಬಸ್‌ ಮತ್ತು ಆಟೋದಲ್ಲಿಸಂಚರಿಸುವುದು ಕಷ್ಟಕರ. ಈ ಅವಧಿಯಲ್ಲಿನೆಗಡಿ, ಕೆಮ್ಮಿನಂಥ ಕಾಯಿಲೆಗಳು ಇರುತ್ತವೆ. ಹೀಗಾಗಿ ಸೆಪ್ಟಂಬರ್‌ನಿಂದಲೇ ಆರಂಭಿಸಬೇಕೆಂದು ವಿನಂತಿಸಿದ್ದಾರೆ. ಸಂಘಟನೆಯ ಅಧ್ಯಕ್ಷ ಸತೀಶ್‌ ತೆಂಡೂಲ್ಕರ್‌, ನ್ಯಾಯವಾದಿ ಎನ್‌.ಆರ್‌. ಲಾತೂರ ಮತ್ತಿತರರು ಉಪಸ್ಥಿತರಿದ್ದರು.