ಹುಕ್ಕೇರಿ: ಬೊಲೆರೊ ವಾಹನ ಪಲ್ಟಿ

ಹುಕ್ಕೇರಿ: ಪಟ್ಟಣದ ಬೈಪಾಸ್‌ ಬಳಿ ಅತಿ ವೇಗವಾಗಿ ಚಲಿಸುತ್ತಿದ್ದ ಬೊಲೆರೊ ವಾಹನ ತಿರುವಿನಲ್ಲಿ ಪಲ್ಟಿಯಾಗಿದ್ದು ಅದೃಷ್ಟವಶಾತ್‌ ವಾಹನದಲ್ಲಿದ್ದ ಎಲ್ಲರೂ ಅಪಾಯದಿಂದ ಪಾರಾಗಿದ್ದಾರೆ.

ತಾಲೂಕಿನ ಅವರಗೋಳ ಗ್ರಾಮದ ತಾಲೂಕು ಪಂಚಾಯಿತಿ ಮಾಜಿ ಅಧ್ಯಕ್ಷ ಗುರಪ್ಪಾ ತೋದಲ ಎಂಬುವರಿಗೆ ಸೇರಿದ ವಾಹನದಲ್ಲಿ ಗುರಪ್ಪಾ ಸೇರಿದಂತೆ ಮೂರು ಜನ ಪ್ರಯಾಣಿಸುತ್ತಿದ್ದರು. ವಾಹನ ತುಸು ಮುಂದೆ ಚಲಿಸಿದ್ದರೆ, ಬಾವಿ ಅಥವಾ ಬೈಪಾಸ್‌ ಬಳಿ ಬಸ್ಸಿಗಾಗಿ ಕಾಯುತ್ತಿದ್ದ ಜನರ ಮೇಲೆ ಹಾಯ್ದು ಅನಾಹುತ ಸಂಭವಿಸಲಿತ್ತು.

ಹುಕ್ಕೇರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.