ವಾಹನ ಡಿಕ್ಕಿ; ಪಾದಚಾರಿ ಸಾವು

ಗೋಕಾಕ: ಅಪರಿಚಿತ ವಾಹನವೊಂದು ಪಾದಚಾರಿಗೆ ಹಿಂದಿನಿಂದ ಡಿಕ್ಕಿಯಾಗಿ ಪಾದಚಾರಿ ಸ್ಥಳದಲ್ಲೇ ಸಾವಿಗೀಡಾದ ಘಟನೆ ಭಾನುವಾರ ರಾತ್ರಿ ನಗರ ಹೊರವಲಯದ ಕಡಬಗಟ್ಟಿ ಗುಡ್ಡದ ರಸ್ತೆಯಲ್ಲಿಸಂಭವಿಸಿದೆ.

ಮೃತನನ್ನು ಕಡಬಗಟ್ಟಿ ಗ್ರಾಮದ ನಿವಾಸಿ ಅವ್ವಣ್ಣ ಲಕ್ಷತ್ರ್ಮಣ ದಡ್ಡಿಹಳ್ಳಿ (22) ಎಂದು ಗುರುತಿಸಲಾಗಿದೆ. ವಾಹನ ಸವಾರ ಡಿಕ್ಕಿ ಹೊಡೆಸಿ ಪರಾರಿಯಾಗಿದ್ದಾನೆ.

ಬಾವಿಯಲ್ಲಿಶವ ಪತ್ತೆ:
ಮೂರು ದಿನಗಳ ಹಿಂದೆ ನಾಪತ್ತೆಯಾಗಿದ್ದ ವ್ಯಕ್ತಿಯೋರ್ವನ ಶವ ತಾಲೂಕಿನ ಕೇಸಪ್ಪನಟ್ಟಿ ಗ್ರಾಮ ಹೊರವಲಯದ ತೋಟದ ಬಾವಿಯಲ್ಲಿಪತ್ತೆಯಾಗಿದೆ.

ಮೃತನನ್ನು ಅದೇ ಗ್ರಾಮದ ಭರಮಪ್ಪ ಅಜ್ಜಪ್ಪ ದೊಡ್ಡಣ್ಣವರ (35) ಎಂದು ಗುರುತಿಸಲಾಗಿದೆ. ಈತ ನ. 1ರಂದು ಮನೆಯಿಂದ ಹೋದವ ಮರಳಿ ಬಂದಿರಲಿಲ್ಲಎನ್ನಲಾಗಿದೆ.

ನೇಣಿಗೆ ಶರಣು:
ಮನೆಯಲ್ಲಿಯಾರೂ ಇಲ್ಲದ ಸಮಯದಲ್ಲಿವ್ಯಕ್ತಿಯೋರ್ವ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾದ ಘಟನೆ ತಾಲೂಕಿನ ಗಿಳಿಹೊಸೂರ ಗ್ರಾಮದಲ್ಲಿಭಾನುವಾರ ಸಂಭವಿಸಿದೆ. ಮೃತನನ್ನು ಅದೇ ಗ್ರಾಮದ ನಿವಾಸಿ ಸಣ್ಣಭೀಮಪ್ಪ ಸಿದ್ರಾಯಪ್ಪ ಡಬ್ಬನವರ (35) ಎಂದು ಗುರುತಿಸಲಾಗಿದೆ.

ವಿಷ ಸೇವಿಸಿ ಸಾವು:
ಫಿಟ್ಸ್‌ (ಮಲರೋಗ) ಕಾಯಿಲೆಯಿಂದ ಬಳಲುತ್ತಿದ್ದ ಎನ್ನಲಾದ ವ್ಯಕ್ತಿ ಕ್ರಿಮಿನಾಶಕ ಸೇವಿಸಿ ತನ್ನ ಜಮೀನಿನಲ್ಲಿಸಾವನ್ನಪ್ಪಿದ ಘಟನೆ ತಾಲೂಕಿನ ಕೊಣ್ಣೂರ-ಶಿವಾಪೂರ ಗ್ರಾಮ ವ್ಯಾಪ್ತಿಯಲ್ಲಿಭಾನುವಾರ ಸಂಜೆ ನಡೆದಿದೆ. ಮೃತನನ್ನು ಅದೇ ಗ್ರಾಮದ ನಿವಾಸಿ ರಮೇಶ ಬಸವಣ್ಣಿ ಕಬಾಡಗಿ (33) ಎಂದು ಗುರುತಿಸಲಾಗಿದೆ. ಈ ಕುರಿತು ಗ್ರಾಮೀಣ ಪೊಲೀಸ್‌ ಠಾಣೆಯಲ್ಲಿಪ್ರತ್ಯೇಕ ಪ್ರಕರಣಗಳು ದಾಖಲಾಗಿವೆ.