ಲಂಚ ಸ್ವೀಕರಿಸುವಾಗ ಸಿಕ್ಕಿಬಿದ್ದ ಗ್ರಾಮ ಸಹಾಯಕ

ಚಿಕ್ಕೋಡಿ : ಗ್ರಾಮ ಪಂಚಾಯತಿಯ ಗ್ರಾಮ ಸಹಾಯಕರೊಬ್ಬರು ಶನಿವಾರ ಲಂಚ ಸ್ವೀಕರಿಸುತ್ತಿದ್ದ ಸಮಯದಲ್ಲಿ ಎಸಿಬಿ ಬಲೆಗೆ ಬಿದ್ದಿದ್ದಾರೆ.

ತಾಲೂಕಿನ ಹಿರೇಕೋಡಿ ಗ್ರಾಮದ ಗ್ರಾಮ ಸಹಾಯಕ ಸುನೀಲ ಬಸ್ತವಾಡೆ ಗ್ರಾಮದ ಸುಭಾಷ ಬಾಳೆಕಾಯಿ ಎಂಬುವವರಿಂದ 2 ಸಾವಿರ ರೂ. ಹಣ ಪಡೆಯುತ್ತಿದ್ದಾಗ ಎಸಿಬಿ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾರೆ.

ಸುಭಾಷ ಬಾಳೆಕಾಯಿ ಅವರು ಪಹಣಿ ಪತ್ರದಲ್ಲಿ ಮಗನ ಹೆಸರು ಸೇರಿಸಲು ಅರ್ಜಿ ಸಲ್ಲಿಸಿದ್ದರು. ಅದಕ್ಕೆ 2 ಸಾವಿರ ರೂ.ಗಾಗಿ ಬೇಡಿಕೆ ಇಟ್ಟಿದ್ದರು. ಸುಭಾಷ ಬಾಳೇಕಾಯಿ ಅವರು ಎಸಿಬಿಗೆ ದೂರು ನೀಡಿದ್ದರಿಂದ ಶನಿವಾರ ಕಾರ್ಯಪ್ರವತ್ತರಾದ ಎಸಿಬಿ ತಂಡ ದಾಳಿ ನಡೆಸಿದಾಗ ಅಕ್ರಮವಾಗಿ ಲಂಚ ಹಣ ಪಡೆಯುತ್ತಿರುವುದು ಬೆಳಕಿಗೆ ಬಂದಿದೆ.