ತಂದೆ ಸಾವಿಗೆ ನ್ಯಾಯ ಕೋರಿ ವಿಧಾನಸೌಧಕ್ಕೆ ಪಾದಯಾತ್ರೆ

ಎಂ.ಕೆ.ಹುಬ್ಬಳ್ಳಿ: ತಂದೆ ಸಾವಿಗೆ ನ್ಯಾಯ ಕೋರಿ ಹಾಗೂ ರಾಜ್ಯದ ಎಲ್ಲ ರೈತರ ಕಬ್ಬಿನ ಬಾಕಿ ಹಣ ತಕ್ಷಣ ನೀಡುವಂತೆ ಒತ್ತಾಯಿಸಿ ಖಾನಾಪುರದ ಬಾಳಪ್ಪ ಮಾಟೊಳ್ಳಿ ಸುವರ್ಣ ವಿಧಾನಸೌಧದಿಂದ ಬೆಂಗಳೂರು ವಿಧಾನ ಸೌಧದ ವರಗೆ ಪಾದಯಾತ್ರೆ ಕೈಗೊಂಡಿದ್ದಾರೆ.

ಪಾದಯಾತ್ರೆ ವೇಳೆ ಪಟ್ಟಣದಲ್ಲಿ 'ವಿಕ'ದೊಂದಿಗೆ ಮಾತನಾಡಿದ ಅವರು, 2013-14 ನೇ ಸಾಲಿನಿಂದ ಕಬ್ಬಿನ ಬಾಕಿ ಹಣ ನೀಡದ್ದರಿಂದಲೇ ಮನ ನೊಂದು ಅನಾರೋಗ್ಯಕ್ಕೀಡಾಗಿ ನಮ್ಮ ತಂದೆ ಶಂಕರ ಮಾಟೊಳ್ಳಿ ಮೃತ ಪಟ್ಟಿದ್ದಾರೆ. ಕಬ್ಬಿನ ಬಾಕಿ ಬಿಲ್‌ಗೆ ಸಂಬಂಧಿಸಿದಂತೆ ಪ್ರಧಾನಿ, ಸಿಎಂ ಹಾಗೂ ಸಂಬಂಧಿಸಿದವರಿಗೆ ಪತ್ರ ಕಳಿಸಿದ ನಂತರ ಬಾಕಿ ಬಿಲ್‌ ಪಾವತಿಸಲಾಗಿದೆ. ಮೊದಲೇ ಹಣ ನೀಡಿದ್ದಿದ್ದರೆ ತಂದೆ ಬದುಕುತ್ತಿದ್ದರು ಎಂದರು.