ಗಮನ ಸೆಳೆಯುತ್ತಿರುವ ನೀರಿನ ಬುಗ್ಗೆಗಳು

ಎಂ.ಕೆ.ಹುಬ್ಬಳ್ಳಿ: ಪಟ್ಟಣದ ಬಳಿ ಗಂಗಾಂಬಿಕಾ ಐಕ್ಯ ಮಂಟಪಕ್ಕೆ ತೆರಳುವ ಮಾರ್ಗದಲ್ಲಿ ನೀರಿನ ಬುಗ್ಗೆಗಳು ಕಾಣಿಸಿಕೊಂಡಿವೆ.

ಕೆಲವು ದಿನಗಳಿಂದ ಸತತ ಮಳೆ ಸುರಿದು ಮಲಪ್ರಭಾ ನದಿ ಉಕ್ಕಿ ಹರಿದಿದ್ದು, ಈಗ ಮಳೆ ಕಡಿಮೆಯಾಗಿದ್ದರಿಂದ ನದಿ ನೀರಿನ ಪ್ರಮಾಣ ಕಡಿಮೆಯಾಗಿದೆ. ನೀರು ಕಡಿಮೆಯಾಗುತ್ತಿದಂತೆ ಕೆಲವು ಜಮೀನುಗಳಲ್ಲಿ ಅಲ್ಲಲ್ಲಿ ನೀರಿನ ಬುಗ್ಗೆಗಳು ಕಂಡು ಬಂದಿವೆ. ಇವು ಯಾವ ಕಾರಣದಿಂದ ಕಾಣಿಸಿಕೊಂಡಿವೆ ಎಂದು ತಿಳಿದು ಬಂದಿಲ್ಲ. ಎರಡು ದಿನಗಳಿಂದ ಈ ಬುಗ್ಗೆಗಳು ಕಾಣಿಸಿಕೊಂಡಿವೆ. ಈ ಮಾರ್ಗವಾಗಿ ಹೋಗುವವರು ಈ ದೃಶ್ಯಗಳನ್ನು ತಮ್ಮ ಮೊಬೈಲ್‌ನಲ್ಲಿ ಸೆರೆ ಹಿಡಿದುಕೊಳ್ಳುತ್ತಿದ್ದಾರೆ.