ನಿನ್ನೆ ಬಿಜೆಪಿ ಮುಖಂಡರ ಜತೆ, ಇಂದು ಜೆಡಿಎಸ್‌ನಿಂದ ನಾಮಪತ್ರ!

ತೆಲಸಂಗ (ಬೆಳಗಾವಿ): ಉಪ ಚುನಾವಣೆಗೆ ಅಥಣಿ ಮತಕ್ಷೇತ್ರದ ಜೆಡಿಎಸ್‌ ಅಭ್ಯರ್ಥಿಯಾಗಿ ಗುರಪ್ಪ ದಾಶ್ಯಾಳ ಸೋಮವಾರ ನಾಮಪತ್ರ ಸಲ್ಲಿಸಿದ್ದಾರೆ. ಜಿಪಂ ಬಿಜೆಪಿ ಸದಸ್ಯರಾಗಿರುವ ದಾಶ್ಯಾಳ ಭಾನುವಾರವಷ್ಟೇ ಬಿಜೆಪಿ ಮುಖಂಡರ ಸಭೆಯಲ್ಲಿಭಾಗಿಯಾಗಿದ್ದರು. ಆದರೆ, ಸೋಮವಾರ ಜೆಡಿಎಸ್‌ನಿಂದ ಉಮೇದುವಾರಿಕೆ ಸಲ್ಲಿಸಿ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ.

ಈ ಕುರಿತು 'ವಿಕ'ದೊಂದಿಗೆ ಮಾತನಾಡಿದ ಅವರು, ''ಮಹೇಶ್‌ ಕುಮಠಳ್ಳಿ ಸೇರಿದಾಗಿನಿಂದ ಬಿಜೆಪಿ ಕಾರ್ಯಕರ್ತರಿಗೆ ಬೆಲೆ ಇಲ್ಲದಂತಾಗಿದೆ. ನಾನೊಬ್ಬ ಜಿಪಂ ಸದಸ್ಯ. ನನಗೇ ಪಕ್ಷದಲ್ಲಿಸ್ಪಂದನೆ ಸಿಗುತ್ತಿಲ್ಲ. ಇನ್ನು ಸಾಮಾನ್ಯ ಮೂಲ ಕಾರ್ಯಕರ್ತರ ಪಾಡು ಏನಾಗಿರಬೇಡ? ಕುಮಾರಸ್ವಾಮಿಯವರ ರೈತಪರ ಕಾಳಜಿ ನೋಡಿ ಜೆಡಿಎಸ್‌ನಿಂದ ಕಣಕ್ಕಿಳಿದಿದ್ದೇನೆ'', ಎಂದು ತಿಳಿಸಿದರು.

ಮಹೇಶ್‌ ಕುಮಠಳ್ಳಿ ಹಾಗೂ ಗುರಪ್ಪ ದಾಶ್ಯಾಳ ಇಬ್ಬರೂ ಪಂಚಮಸಾಲಿ ಸಮುದಾಯದವರಾಗಿದ್ದು, ಇಬ್ಬರಿಗೂ ಮತ ವಿಭಜನೆಯ ಆತಂಕವಿದೆ.