ನಾಯಿ ಅಡ್ಡ ಬಂದು ಬೈಕ್‌ ಅಪಘಾತ: ಮಹಿಳೆ ಸಾವು

ಕಬ್ಬೂರ: ಸಮೀಪದ ಬೆಲ್ಲದ ಬಾಗೇವಾಡಿ-ಕಬ್ಬೂರ ರಸ್ತೆಯಲ್ಲಿ ಶನಿವಾರ ಬೈಕ್‌ನಿಂದ ಬಿದ್ದು ಮಹಿಳೆಯೋರ್ವರು ಮೃತಪಟ್ಟಿದ್ದಾರೆ. ಹುಕ್ಕೇರಿ ತಾಲೂಕು ಕೋಟಬಾಗಿ ಗ್ರಾಮದ ಮಹಾದೇವಿ ದಶರಥ ಹತ್ತರಗಿ (42) ಮೃತ ಮಹಿಳೆ.

ಅವರು ಶನಿವಾರ ಮಗನೊಂದಿಗೆ ಬೈಕ್‌ ಮೂಲಕ ಕಬ್ಬೂರ ಪಟ್ಟಣದ ತಮ್ಮ ಸಂಬಂಧಿಕರ ಮನೆಗೆ ತೆರಳುತ್ತಿದ್ದಾಗ ನಾಯಿಗಳು ಅಡ್ಡ ಬಂದಿದ್ದರಿಂದ ಬೈಕ್‌ ನಿಯಂತ್ರಣ ತಪ್ಪಿ ಬಿದ್ದು ಗಂಭೀರ ಗಾಯಗೊಂಡಿದ್ದರು. ಕೂಡಲೇ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ಸೇರಿಸಲಾಗಿತ್ತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ. ಈ ಕುರಿತು ಚಿಕ್ಕೋಡಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.