ಇಬ್ಬರು ಮಕ್ಕಳೊಂದಿಗೆ ತಾಯಿ ಕಾಣೆ

ಬೆಳಗಾವಿ: ತಾಲೂಕಿನ ಪೀರನವಾಡಿಯ ಚನ್ನಮ್ಮ ನಗರದ ನಿವಾಸಿ ದಾಕ್ಷಾಯಣಿ ಸಂಜಯ ಯಳ್ಳೂರಕರ (27) ಎಂಬುವರು ತನ್ನ ಇಬ್ಬರು ಮಕ್ಕಳೊಂದಿಗೆ ಕಾಣೆಯಾಗಿದ್ದಾರೆ. ಜ.16ರಂದು ಬೆಳಗ್ಗೆ ಮಕ್ಕಳಾದ ಸ್ವಪ್ನಾ (10) ಮತ್ತು ಅರವ (6) ಅವರನ್ನು ಮಂಡೋಳಿ ರಸ್ತೆಯಲ್ಲಿರುವ ಜೋಶಿ ಸೆಂಟರ್‌ ಪಬ್ಲಿಕ್‌ ಸ್ಕೂಲ್‌ಗೆ ಬಿಡಲು ಹೋದವಳು ಮರಳಿ ಮನೆಗೆ ಬಂದಿಲ್ಲ ಎಂದು ಪತಿ ಸಂಜಯ ಮಲ್ಲಪ್ಪ ಯಳ್ಳೂರಕರ ಉದ್ಯಮಬಾಗ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಈ ಮೂವರ ಬಗ್ಗೆ ಯಾರಿಗಾದರೂ ಮಾಹಿತಿ ತಿಳಿದಲ್ಲಿ ಉದ್ಯಮಬಾಗ ಠಾಣೆ ದೂ.0831-2405238, ಮೊ.9480804053 ಸಂಪರ್ಕಿಸಲು ಕೋರಲಾಗಿದೆ.