ಯಡಿಯೂರಪ್ಪ ಪ್ರಮಾಣವಚನ; ಸಂಭ್ರಮಾಚರಣೆ

ಬೆಳಗಾವಿ : ಬಿ.ಎಸ್‌.ಯಡಿಯೂರಪ್ಪನವರು ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ ಹಿನ್ನೆಲೆಯಲ್ಲಿ ಜಿಲ್ಲೆಯ ನಾನಾ ಕಡೆ ಬಿಜೆಪಿ ಕಾರ್ಯಕರ್ತರು ಶುಕ್ರವಾರ ಸಂಜೆ ವಿಜಯೋತ್ಸವ ಆಚರಿಸಿದರು.

ಚಿಕ್ಕೋಡಿಯಲ್ಲಿ ಯುವ ಧುರೀಣ ಬಸವಪ್ರಸಾದ ಜೊಲ್ಲೆ ನೇತೃತ್ವದಲ್ಲಿ ಸಂಸದರ ಕಾರಾರ‍ಯಲಯ ಹಾಗೂ ಬಸವ ವೃತ್ತದಲ್ಲಿ ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಲಾಯಿತು. ''ಯಡಿಯೂರಪ್ಪನವರು ಕರುನಾಡಿನ ಜನತೆಯ ಆಶೋತ್ತರಗಳಿಗೆ ಸ್ಪಂದಿಸುವ ಸಂಕಲ್ಪದೊಂದಿಗೆ ಸುವರ್ಣ ಕರ್ನಾಟಕ ನಿರ್ಮಾಣಕ್ಕೆ ಮುನ್ನುಡಿ ಬರೆಯುವಂತಾಗಲಿ'', ಎಂದು ಅವರು ಆಶಿಸಿದರು.

ನಾಗೇಶ ಕಿವಡ, ಸಂಜಯ ಅರಗಿ, ಸತೀಶ ನೂಲಿ, ದುಂಡಪ್ಪಾ ಡೋಣವಾಡೆ, ಮಹೇಶ ನೂಲಿ, ರಾಜು ಡೋಂಗರೆ, ಸತೀಶ ಅಪ್ಪಾಜಿಗೋಳ, ಸಂತೋಶ ಟವಳೆ, ಅದಮ್‌ ಗಣೇಶವಾಡಿ, ಬಾಬು ಮಿರ್ಜೆ, ಸೋಮು ಗಾವನಾಳೆ, ನಾಗರಾಜ ಮೇದಾರ, ರವಿ ಅಶ್ವತಪುರ, ರವಿ ಸಾವಜಿ, ಅಮೀತ ಮಗದುಮ್ಮ, ಸಂತೋಷ ಸೊಲ್ಲಾಪೂರೆ, ಹಾಲಪ್ಪಾ ಮಾದಪ್ಪಗೋಳ, ವಿಕ್ರಾಂತ ಮಾನೆ ಸೇರಿದಂತೆ ಬಿಜೆಪಿ ಕಾರ್ಯಕರ್ತರು ಉಪಸ್ಥಿತರಿದ್ದರು.

ತೆಲಸಂಗ ಗ್ರಾಮದಲ್ಲಿ ಬಿಜೆಪಿ ಕಾರ್ಯಕರ್ತರು ಪಟಾಕಿ ಸಿಡಿಸಿ ಸಂಭ್ರಮಿಸಿದರು. ತಾಪಂ ಸದಸ್ಯ ಶ್ರೀಶೈಲ ಶೆಲ್ಲೆಪ್ಪಗೋಳ, ''ಬಡ ಜನರು ಕನಸು ನನಸಾಗಿದೆ. ಜನರಲ್ಲಿ ಮತ್ತೆ ರಾಜ್ಯದ ಅಭಿವೃದ್ಧಿಯ ಕನಸು ಚಿಗುರೊಡೆದಿದೆ'', ಎಂದರು.

ರಾಯಬಾಗದ ಅಭಾಜಿ ವೃತ್ತದ ಬಳಿ ಬಿಜೆಪಿ ಕಾರ್ಯಕರ್ತರು ಪಟಾಕಿ ಸಿಡಿಸಿ, ಸಿಹಿ ಹಂಚಿ ವಿಜಯೋತ್ಸವ ಆಚರಿಸಿದರು. ಮಂಡಲ ಅಧ್ಯಕ್ಷ ಸದಾನಂದ ಹಳಿಂಗಳಿ, ಇನ್ನು ಮುಂದೆ ರಾಜ್ಯದಲ್ಲಿ ಅಭಿವೃದ್ಧಿ ಪರ್ವ ಪ್ರಾರಂಭವಾಗಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ಮಹೇಶ ಕರಮಡಿ, ರಾಜು ಮೈಶಾಳೆ, ಸುರೇಶ ಮಾಳಿ, ಚಿದಾನಂದ ಹಳಿಂಗಳಿ, ನಾರಾಯಣ ಮೇತ್ರಿ, ಮಜೀದ ಡಾಂಗೆ, ಏಕನಾಥ ಮಾಚಕನೂರ, ಉದಯ ರೆಡ್ಡಿ, ಬಸವರಾಜ ಡೊಣವಾಡೆ, ಶ್ರೀನಾಥ ಜಾಧವ, ಶಿವಗೌಡ ನಾಯಿಕ, ಉಮೇಶ ಮೇತ್ರಿ ಮತ್ತಿತರರು ಉಪಸ್ಥಿತರಿದ್ದರು.