ಬೆಳಗಾವಿಯ ಯಳ್ಳೂರ ಗ್ರಾಮದ ಹತ್ತಿರದ ಅರವಳಿ ಚೆಕ್‌ಡ್ಯಾಂಗೆ ಜಿಗಿದು ಯುವತಿ ಆತ್ಮಹತ್ಯೆ

ಬೆಳಗಾವಿ: ಯುವತಿಯೊಬ್ಬರು ತಾಲೂಕಿನ ಯಳ್ಳೂರ ಗ್ರಾಮದ ಹತ್ತಿರದ ಅರವಳಿ ಚೆಕ್‌ ಡ್ಯಾಂಗೆ (ಒಡ್ಡು) ಜಿಗಿದು ಶನಿವಾರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಭಾಗ್ಯನಗರದ ಸೋನಾಲಿ ಸಂಜಯ ಸುರೇಕರ (19) ಮೃತ ಯುವತಿ. ಈಚೆಗಷ್ಟೆ ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿಶೇ.91ರಷ್ಟು ಅಂಕ ಗಳಿಸಿದ್ದ ಸೋನಾಲಿ ಆತ್ಯಹತ್ಯೆಗೆ ನಿಖರ ಕಾರಣ ತಿಳಿದು ಬಂದಿಲ್ಲ. ಶನಿವಾರ ಮಧ್ಯಾಹ್ನ ದ್ವಿಚಕ್ರ ವಾಹನದಲ್ಲಿಆಗಮಿಸಿದ ಸೋನಾಲಿ ಯಳ್ಳೂರ ಗ್ರಾಮ ಬಳಿಯ ಚೆಕ್‌ ಡ್ಯಾಂ ಬಳಿ ವಾಹನ ನಿಲ್ಲಿಸಿ ಅದರಲ್ಲಿಯೇ ಮೊಬೈಲ್‌ ಇಟ್ಟು ಡ್ಯಾಂಗೆ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಸ್ಥಳೀಯರು ಮಾಹಿತಿ ನೀಡಿದ್ದಾರೆ. ಯುವತಿ ಶವವನ್ನು ಹೊರ ತೆಗೆದು ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಬೆಳಗಾವಿ ಗ್ರಾಮೀಣ ಠಾಣೆ ಪೊಲೀಸರು ತಿಳಿಸಿದ್ದಾರೆ.