ಪಡಿತರ ಕಾರ್ಡ್, ಕ್ರಮಕ್ಕೆ ಒತ್ತಾಯಿಸಿ ಮನವಿ

ಸಿರುಗುಪ್ಪ; ಪಡಿತರ ಕಾರ್ಡ್ ಹಂಚಿಕೆಗೆ ಸೂಕ್ತ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿ ಮಾನವ ಹಕ್ಕುಗಳ ಹಾಗೂ ಭ್ರಷ್ಟಾಚಾರ ವಿರೋಧ ಸಂಸ್ಥೆಯ ಕಾರ್ಯಕರ್ತರು ಮಂಗಳವಾರ ತಹಸೀಲ್ದಾರ್ ಎಂ.ಸುನಿತಾ ಅವರಿಗೆ ಮನವಿ ಸಲ್ಲಿಸಿದರು.

ಸಂಸ್ಥೆಯ ತಾಲೂಕ ಅಧ್ಯಕ್ಷ ಮೆಹಾಬೂಬು ಮಾತನಾಡಿ, ಸರಕಾರಿ ಯೋಜನೆಯ ಲಾಭ ಪಡೆಯಲು ಪಡಿತರ ಕಾರ್ಡ್ ಅವಶ್ಯ. ಕಾರ್ಡ್‌ಗಾಗಿ ನಿತ್ಯವೂ ಸರದಿ ನಿಲ್ಲಬೇಕಿದೆ. ಬಡ ಅರ್ಹ ಫಲಾನುಭವಿಗಳಿಗೆ ಪಡಿತರ ಕಾರ್ಡ್ ವಿತರಣೆಗೆ ಪ್ರತ್ಯೇಕವಾಗಿ ಸಿಬ್ಬಂದಿ ನಿಯೋಜಿಸಬೇಕು. ಕಾರ್ಡ್ ವಿತರಣೆ ವೇಳೆಯಲ್ಲಿ ಉಂಟಾಗುವ ವಿದ್ಯುತ್ ಸಮಸ್ಯೆಯನ್ನು ತಪ್ಪಿಸಲು ಮುಂದಾಗಬೇಕು. ಬೆಳಗ್ಗೆಯಿಂದ ಸರದಿ ನಿಂತವರೂ ಸಂಜೆಯವೇಳೆಗೆ ಬರಿಗೈಲೇ ಮನೆ ದಾರಿ ಹಿಡಿಯಬೇಕಾದ ಸಮಸ್ಯೆಯನ್ನು ತಪ್ಪಿಸಬೇಕು. ಎಲ್ಲ ಅರ್ಹರಿಗೂ ಪಡಿತರ ಕಾರ್ಡ ಸಿಗಬೇಕು ಎಂದರು. ಸಂಸ್ಥೆಯ ಉಪಾಧ್ಯಕ್ಷ ರಮೇಶ್, ಕಾರ್ಯದರ್ಶಿ ಎನ್.ಮೈನುದ್ದೀನ್, ನೂರುಸಾಬ್, ರಾಘವೇಂದ್ರ, ಯು.ವೆಂಕೋಬ ಸೇರಿದಂತೆ ಇತರರಿದ್ದರು.