ಕಾರು-ಲಾರಿ ಡಿಕ್ಕಿ: ಮೂವರ ಸಾವು

ಕೂಡ್ಲಿಗಿ (ಬಳ್ಳಾರಿ); ತಾಲೂಕಿನ ಶಿವಪುರ ಬಳಿಯ ರಾಷ್ಟ್ರೀಯ ಹೆದ್ದಾರಿ 50 (13)ರಲ್ಲಿ ಶುಕ್ರವಾರ, ಕಾರು ಹಾಗೂ ಲಾರಿ ಮುಖಾಮುಖಿ ಡಿಕ್ಕಿಯಲ್ಲಿ ಮೂವರು ಮತಪಟ್ಟಿದ್ದಾರೆ.

ಬೆಂಗಳೂರಿನ ಮಹ್ಮದ್ ಶಫೀವುಲ್ಲಾ (38), ಅಬ್ದುಲ್ ಆಸೀಫ್ (37) ಹಾಗೂ ವಾಸೀಂ (34) ಮತರು. ಘಟನೆಯಲ್ಲಿ ಇರ್ಫಾನ್ (35) ಗಂಭೀರ ಗಾಯಗೊಂಡಿದ್ದು, ಬಳ್ಳಾರಿ ವಿಮ್ಸ್‌ಗೆ ದಾಖಲಿಸಲಾಗಿದೆ. ದನಗಳ ವ್ಯಾಪಾರಕ್ಕೆಂದು ಈ ನಾಲ್ವರು, ಕೊಪ್ಪಳ ತಾಲೂಕಿನ ಗಿಣಿಗೇರಾ ಸಂತೆಗೆ ಕಾರಿನಲ್ಲಿ ತೆರಳುತ್ತಿದ್ದರು. ಹೊಸಪೇಟೆಯಿಂದ ಚಿತ್ರದುರ್ಗದ ಕಡೆಗೆ ಹೋಗುತ್ತಿದ್ದ ಲಾರಿ, ಈ ನಾಲ್ವರಿದ್ದ ಕಾರಿಗೆ ಡಿಕ್ಕಿ ಹೊಡೆದಿದೆ. ಕಾರು ಸಂಪೂರ್ಣ ಜಖಂಗೊಂಡಿದೆ. ಸ್ಥಳಕ್ಕೆ ಕೂಡ್ಲಿಗಿ ಪಿಎಸ್‌ಐ ಹಾಗೂ ಸಿಬ್ಬಂದಿ ಭೇಟಿನೀಡಿದರು.

ಕಾರಿನಲ್ಲಿದ್ದ 5ಲಕ್ಷ ರೂ.ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ‘‘ಪರಿಶೀಲನೆ ನಂತರ ಮತರ ವಾರಸುದಾರರಿಗೆ ಈ ಹಣ ಒಪ್ಪಿಸಲಾಗುವುದು’’ ಎಂದು ಪೊಲೀಸರು ತಿಳಿಸಿದ್ದಾರೆ. ಸ್ಥಳೀಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.