ಆ್ಯಪ್ನಗರ

ಆರ್‌ಟಿಒ ಚೆಕ್‌ಪೋಸ್ಟ್ ಮೇಲೆ ಲೋಕಾ ದಾಳಿ

ಹೊಸಪೇಟೆ ಹೊರವಲಯದ ಟಿಬಿಡ್ಯಾಂ ಬಳಿಯ ರಾಷ್ಟ್ರೀಯ ಹೆದ್ದಾರಿ 13 ಹಾಗೂ ಬಳ್ಳಾರಿ ತಾಲೂಕಿನ ಹಗರಿ ಬಳಿಯ ಆರ್‌ಟಿಒ ಕಚೇರಿ ಚೆಕ್‌ಪೋಸ್ಟ್‌ಗಳ ಮೇಲೆ ಲೋಕಾಯುಕ್ತ ಅಧಿಕಾರಿಗಳ ಪ್ರತ್ಯೇಕ ತಂಡಗಳು ಮಂಗಳವಾರ ದಾಳಿನಡೆಸಿವೆ.

ವಿಕ ಸುದ್ದಿಲೋಕ 24 Aug 2016, 7:10 am
ಹೊಸಪೇಟೆ/ಬಳ್ಳಾರಿ; ಹೊಸಪೇಟೆ ಹೊರವಲಯದ ಟಿಬಿಡ್ಯಾಂ ಬಳಿಯ ರಾಷ್ಟ್ರೀಯ ಹೆದ್ದಾರಿ 13 ಹಾಗೂ ಬಳ್ಳಾರಿ ತಾಲೂಕಿನ ಹಗರಿ ಬಳಿಯ ಆರ್‌ಟಿಒ ಕಚೇರಿ ಚೆಕ್‌ಪೋಸ್ಟ್‌ಗಳ ಮೇಲೆ ಲೋಕಾಯುಕ್ತ ಅಧಿಕಾರಿಗಳ ಪ್ರತ್ಯೇಕ ತಂಡಗಳು ಮಂಗಳವಾರ ದಾಳಿನಡೆಸಿವೆ.
Vijaya Karnataka Web
ಆರ್‌ಟಿಒ ಚೆಕ್‌ಪೋಸ್ಟ್ ಮೇಲೆ ಲೋಕಾ ದಾಳಿ


ಉಪ ಲೋಕಾಯುಕ್ತ ಸುಭಾಸ್ ಬಿ.ಅಡಿ ಹಾಗೂ ಲೋಕಾಯುಕ್ತ ಎಡಿಜಿಪಿ ಪರಶಿವಮೂರ್ತಿ ಅವರ ನಿರ್ದೇಶನದಂತೆ ಈ ದಾಳಿ ನಡೆದಿದೆ ಎಂದು ಮೂಲಗಳು ತಿಳಿಸಿವೆ. ಹೊಸಪೇಟೆ ಹೊರವಲಯದ ಆರ್‌ಟಿಒ ಕಚೇರಿ ಚೆಕ್‌ಪೋಸ್ಟ್ ಮೇಲೆ ಹಾಸನ ಲೋಕಾಯುಕ್ತ ಎಸ್ಪಿ ಪವನ್ ನೆಜ್ಜೂರು ನೇತೃತ್ವದ ಅಧಿಕಾರಿಗಳ ತಂಡ ದಾಳಿ ನಡೆಸಿ, ಅಂದಾಜು 22 ಸಾವಿರದ 700 ರೂ. ನಗದು ವಶಪಡಿಸಿಕೊಂಡಿದೆ. ಆರ್‌ಟಿಒ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಕೆಲಸ ನಿರ್ವಹಿಸುತ್ತಿದ್ದ ಸಂದರ್ಭದಲ್ಲೇ ದಾಳಿ ನಡೆದಿರುವುದು ವಿಶೇಷ. ಕೆಲ ವಾಹನಗಳಿಂದ ವಸೂಲು ಮಾಡಿದ್ದ ಹಣವನ್ನು ಈ ತಂಡ ಪರಿಶೀಲಿಸಿತು.

ಬಳ್ಳಾರಿ ವರದಿ: ಹಗರಿ ಚೆಕ್‌ಪೋಸ್ಟ್ ಮೇಲೆ ಮೈಸೂರು ಲೋಕಾಯುಕ್ತ ಎಸ್ಪಿ ರವಿಕುಮಾರ್ ನೇತೃತ್ವದ 15 ಜನರ ತಂಡ ದಾಳಿ ನಡೆಸಿತು. ಮಧ್ಯಾಹ್ನ 12ಗಂಟೆಯವರೆಗೆ ನಾನಾ ದಾಖಲೆಗಳನ್ನು ಈ ತಂಡ ಪರಿಶೀಲಿಸಿತು. ಈ ಸಂದರ್ಭದಲ್ಲಿ ಯಾವುದೇ ಹೆಚ್ಚುವರಿ ಹಣ ಪತ್ತೆಯಾಗಿಲ್ಲ. ಈ ಚೆಕ್‌ಪೋಸ್ಟ್ ಮೇಲೆ ಇದು ಎರಡನೇ ದಾಳಿಯಾಗಿದೆ. ಈ ತಂಡದಲ್ಲಿ ಇನ್‌ಸ್ಪೆಕ್ಟರ್ ಗೋಪಿಕೃಷ್ಣ, ಪರಶುರಾಮ್ ಸೇರಿ ಇತರ ಸಿಬ್ಬಂದಿ ಇದ್ದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ