‘ರೊಕ್ಕ ನೋಡಿ ಎಷ್ಟೋ ದಿನ ಆದಂಗಾತ್ರಿ’

ಹಗರಿಬೊಮ್ಮನಹಳ್ಳಿ: ಎಲ್ಲಿ ನೋಡಿದ್ರು ಐನೂರು ರೂಪಾಯಿ ನೋಟು ಹಿಡಿಯೋಲ್ಲ, ನಡಿಯೊಲ್ಲ ಅಂತಿದ್ರು, ಇವತ್ತು ಬ್ಯಾಂಕ್‌ನ್ಯಾಗ ನೋಟು ಬದಲಿಸಿದ ಮ್ಯಾಲೆ ಎಷ್ಟೋ ದಿನಕ್ಕ ರೊಕ್ಕ ನೋಡಿದಂಗಾತ್ರಿ

ಇದು ಪಟ್ಟಣದ ಬ್ಯಾಂಕ್‌ಗಳಲ್ಲಿ ಗುರುವಾರದಿನವಿಡೀ ಸಾಲುಗಟ್ಟಿ ನಿಂತು 500 ರೂ.ನೋಟಿನ ಬದಲಾಗಿ 10ರೂ.ನ ನಾಣ್ಯ ಪಡೆದ ಪಟ್ಟಣದ ರಮೀಜಾಬಿ ಸಂತಸದ ಮಾತುಗಳು. ತಾಲೂಕಿನ ಎಲ್ಲೆಡೆಯೂ ನೋಟು ಬದಲಾವಣೆ ದೊಡ್ಡ ಕೋಲಾಹಲವನ್ನೆ ಸಷ್ಠಿಸಿದ್ದು, ಕಟಿಂಗ್ ಶಾಪ್, ತರಕಾರಿ, ಪಾನ್‌ಶಾಪ್‌ಗಳಲ್ಲೂ ಉದ್ರಿಯ ಕಾರುಬಾರು. ಕ್ಷಾರ ಮಾಡಿಸಿಕೊಂಡ ಹಲವರು ಉದ್ರಿ ಹೇಳಿ ಅಂಗಡಿಯತ್ತ ತಿರುಗಿ ನೋಡದ ಬಗ್ಗೆ ಹಲವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಬೆಳಗಿನಿಂದಲೆ ಪಟ್ಟಣದ 5 ಬ್ಯಾಂಕ್ ಮತ್ತು ಅಂಚೆಕಚೇರಿ ಮುಂದೆ ಜನರು ನೋಟುಗಳ ಬದಲಾವಣೆಗೆ ಸಾಲುಗಟ್ಟಿ ನಿಂತಿದ್ದರು. ಟಿಇಟಿ ಪರೀಕ್ಷೆಗೆ ಶುಲ್ಕ ಭರಿಸಲು ಕೊನೆಯ ದಿನವಾದ ಹಿನ್ನೆಲೆಯಲ್ಲಿ ಡಿಇಡಿ ಮತ್ತು ಬಿಇಡಿ ಪದವೀದರರು ಬಹುತೇಕ ಬ್ಯಾಂಕ್‌ಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲೆ ಕಂಡುಬಂದರು. ಪಟ್ಟಣದ ಕೆಲ ಬ್ಯಾಂಕ್‌ಗಳಲ್ಲಿ ಕೌಂಟರ್ ಹೆಚ್ಚಿಸುವಂತೆ ಸಿಬ್ಬಂದಿಗೆ ವಾಗ್ವಾದಕ್ಕಿಳಿದ ದಶ್ಯ ಸಾಮಾನ್ಯವಾಗಿತ್ತು. ಮಹಿಳೆಯರೂ ಸಾಲುಗಳಲ್ಲಿ ಪೈಪೋಟಿ ನಡೆಸಿ ನೋಟು ಬದಲಾಯಿಸಿಕೊಂಡರು.