‘ಸಾಹಿತ್ಯ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಿ’

ಸಿರುಗುಪ್ಪ ; ವಿದ್ಯಾರ್ಥಿಗಳು ಶಾಲಾ ಹಂತದಲ್ಲಿಯೇ ಸಾಹಿತ್ಯ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವ ಮೂಲಕ ಬರವಣಿಗೆ ಬೆಳೆಸಿಕೊಳ್ಳಬೇಕು ಎಂದು ಕ್ಷೇತ್ರ ಶಿಕ್ಷ ಣಾಧಿಕಾರಿ ಪಿ.ಡಿ.ಭಜಂತ್ರಿ ಹೇಳಿದರು.

ನಗರದ ಜ್ಞಾನಭಾರತಿ ಪ.ಪೂ.ಕಾಲೇಜಿನಲ್ಲಿ ಕಸಾಪ ತಾಲೂಕು ಘಟಕದಿಂದ ಸೋಮವಾರ ನಡೆದ ದತ್ತಿ ಉಪನ್ಯಾಸ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು. ದಾಸರು, ಶರಣರು ಹಾಗೂ ಸಂತರು ಸಮಾಜದ ಅಂಕು-ಡೊಂಕುಗಳನ್ನು ತಮ್ಮ ಸಾಹಿತ್ಯದ ಮೂಲಕ ತಿದ್ದಲು ಶ್ರಮಿಸಿದ್ದರು. ಅವರ ಸಾಹಿತ್ಯ ಇಂದಿಗೂ ಪ್ರಸ್ತುತವಾಗಿದೆ ಎಂದು ಹೇಳಿದರು.

ಶಿಕ್ಷ ಕ ರಾಘವೇಂದ್ರ ಮಾತನಾಡಿ, 15ನೇ ಶತಮಾನದಲ್ಲಿ ಶೈವ-ವೈಷ್ಣವರ ನಡುವಿನ ಮತಧರ್ಮದ ಸಂಘರ್ಷದ ಕಾಲದಲ್ಲಿ ಕನಕದಾಸರು ಧರ್ಮ ಸಮನ್ವಯತೆ ಸಾಧಿಸಲು ಯತ್ನಿಸಿದರು. ಕನಕದಾಸರ ಕಾಲವನ್ನು ದಾಸ ಸಾಹಿತ್ಯದ ಸುವರ್ಣಯುಗ ಎಂದು ಕರೆಯಬಹುದು ಎಂದರು. ಕುಡುದರಹಾಳು ಪೌಢಶಾಲೆಯ ಮುಖ್ಯಗುರು ಆರ್‌.ಪದ್ಮನಾಭರಾವ್‌ ಮಾತನಾಡಿದರು. ಪ್ರಾಚಾರ್ಯ ಬಿ.ಹರೀಶ್‌, ಬಸವ ಬಳಗ ತಾಲೂಕು ಘಟಕದ ಅಧ್ಯಕ್ಷ ಡಾ.ಶಿವಪ್ರಕಾಶ, ಕಸಾಪತಾಲೂಕು ಘಟಕದ ಅಧ್ಯಕ್ಷ ಎಸ್‌.ಎಂ.ನಾಗರಾಜಸ್ವಾಮಿ, ದತ್ತಿದಾನಿ ಡಿ.ಕವಿತಾ, ಉಪನ್ಯಾಸಕರಾದ ಕೆ.ಎಂ.ಚಂದ್ರಕಾಂತ, ಆರ್‌.ಗುರುರಾಯ, ಬಿ.ಆರ್‌.ಸಿ.ಯೋಗಾನಂದಯ್ಯ, ವಿಜಯರಂಗಾರೆಡ್ಡಿ ಇದ್ದರು.