ಸಿಡಿಲುಬಡಿದು 162 ಕುರಿಸಾವು, ಕುರಿಗಾಹಿಗೆ

ಹಗರಿಬೊಮ್ಮನಹಳ್ಳಿ: ತಾಲೂಕಿನ ನಾನಾ ಗ್ರಾಮಗಳಲ್ಲಿ ಶುಕ್ರವಾರ ಸಿಡಿಲು ಬಡಿದು 162 ಕುರಿ, ಒಂದು ಎಮ್ಮೆ ಮತಪಟ್ಟಿದ್ದು, ಕುರಿಗಾಹಿಯೊಬ್ಬ ತೀವ್ರವಾಗಿ ಗಾಯಗೊಂಡಿದ್ದಾರೆ.

ಯಡ್ರಮ್ಮನಹಳ್ಳಿ ಗ್ರಾಮದಲ್ಲಿ ಹನುಮಂತಪ್ಪ, ಹರಿಶ್ಚಂದ್ರಪ್ಪ, ಸಾಕಪ್ಪ, ದೊಡ್ಡ ಹನುಮಂತಪ್ಪ, ಶಂಕರಪ್ಪ ಸೇರಿದಂತೆ ಒಟ್ಟು 12 ಕುರಿಸಾಕಣೆದಾರರಿಗೆ ಸೇರಿದ 102 ಕುರಿಗಳು ಸಿಡಿಲಿನ ಹೊಡೆತಕ್ಕೆ ಬಲಿಯಾಗಿವೆ. ಬ್ಯಾಸಿಗೆದೇರಿ ಗ್ರಾಮದ 6 ಕುರಿಸಾಕಣೆದಾರರ 60 ಕುರಿಗಳು ಮತಪಟ್ಟಿವೆ. ತಾಲೂಕಿನ ನಂದಿಪುರ ಗ್ರಾಮದಲ್ಲಿ ಆರ್.ಯಂಕರೆಡ್ಡಿ ಅವರಿಗೆ ಸೇರಿದ ಎಮ್ಮೆಯೊಂದು ಮತಪಟ್ಟಿದೆ. ಯಡ್ರಮ್ಮನಹಳ್ಳಿ ಬಳಿ ಸಿಡಿಲು ಬಡಿದು ಕುರಿಗಾಹಿ ಜಿ.ತಿಂದಪ್ಪ ತೀವ್ರವಾಗಿ ಗಾಯಗೊಂಡಿದ್ದಾರೆ. ಹೆಚ್ಚಿನ ಚಿಕಿತ್ಸೆಗಾಗಿ ಬಳ್ಳಾರಿಯ ವಿಮ್ಸ್‌ಗೆ ದಾಖಲಿಸಲಾಗಿದೆ. ಕೇವಲ 10 ನಿಮಿಷದ ಗುಡುಗು ಮತ್ತು ಸಿಡಿಲಿನ ಅಬ್ಬರಕ್ಕೆ 15ಲಕ್ಷ ರೂ.ಗೂ ಹೆಚ್ಚು ಮೊತ್ತದ ನಷ್ಟ ಅಂದಾಜಿಸಲಾಗಿದೆ.

ಪರಿಹಾರ; ಸ್ಥಳಕ್ಕೆ ಶಾಸಕ ಭೀಮನಾಯ್ಕ ಭೇಟಿ ನೀಡಿ, ಕುರಿಗಾಹಿಗಳಿಗೆ ಸಾಂತ್ವನ ಹೇಳಿದರು. ಕುರಿ ಮತ್ತು ಉಣ್ಣೆ ನಿಗಮ ಮಂಡಳಿಯಿಂದ ಕುರಿ ಸಾಕಣೆದಾರರಿಗೆ ಪರಿಹಾರ ಒದಗಿಸಲಾಗುವುದು ಎಂದರು. ಸಾವಿಗೀಡಾದ ಪ್ರತಿ ಕುರಿಗಳಿಗೆ ತಲಾ ಸಾವಿರ ರೂ.ನಂತೆ ಒಟ್ಟು 1.5 ಲಕ್ಷ ರೂ.ವೈಯಕ್ತಿಕ ಪರಿಹಾರ ನೀಡುವುದಾಗಿ ತಿಳಿಸಿದರು. ಗಾಯಗೊಂಡ ಕುಟುಂಬದವರಿಗೆ 20 ಸಾವಿರ ರೂ.ವೈಯಕ್ತಿಕ ಪರಿಹಾರ ಇದೇ ವೇಳೆ ನೀಡಿದರು. ಸ್ಥಳಕ್ಕೆ ತಹಸೀಲ್ದಾರ್ ವಿಜಯಕುಮಾರ್ ಸೇರಿದಂತೆ ಇತರ ಅಧಿಕಾರಿಗಳು ಭೇಟಿ ನೀಡಿದರು.