ಮಾದಕ ವಸ್ತುಗಳ ವಿರೋಧಿ ದಿನದ ಜಾಗೃತಿ ಜಾಥಾ

ಬಳ್ಳಾರಿ : ಜಿಲ್ಲಾ ಔಷಧ ವ್ಯಾಪಾರಿಗಳ ಸಂಘ ಹಾಗೂ ಜಿಲ್ಲಾ ಔಷಧ ನಿಯಂತ್ರಣ ಅಧಿಕಾರಿಗಳ ಸಂಘದ ಸಹಯೋಗದಲ್ಲಿ ನಗರದ ಕೌಲ್‌ಬಜಾರ್‌ ಪೊಲೀಸ್‌ ಠಾಣೆ ಎದುರು ಮಂಗಳವಾರ ಅಂತಾರಾಷ್ಟ್ರೀಯ ಮಾದಕ ವಸ್ತುಗಳ ವಿರೋಧಿ ದಿನದ ನಿಮಿತ್ತ ಜಾಥಾ ನಡೆಸಲಾಯಿತು.

ಕೌಲ್‌ಬಜಾರ್‌ ಪೊಲೀಸ್‌ ಠಾಣೆ ಸಿಪಿಐ ಕೆ.ಪ್ರಸಾದ ಗೋಖಲೆ ಜಾಗೃತಿ ಜಾಥಾದ ಮೆರವಣಿಗೆಗೆ ಹಸಿರು ನಿಶಾನೆ ತೋರಿದರು. ಪೊಲೀಸ್‌ ಠಾಣೆ ರಸ್ತೆಯಿಂದ ರೈಲ್ವೆ ಗೇಟ್‌, ಕೌಲ್‌ಬಜಾರ್‌ ಮುಖ್ಯರಸ್ತೆ, ಟಿ.ಬಿ.ಆಸ್ಪತ್ರೆವರೆಗೆ ಈ ಮೆರವಣಿಗೆ ತಲುಪಿತು. ಸಹಾಯಕ ಔಷಧ ನಿಯಂತ್ರಣಾಧಿಕಾರಿ ಬಿ.ಎನ್‌.ಬಾಬು, ಡ್ರಗ್ಸ್‌ ಇನ್‌ಸ್ಪೆಕ್ಟರ್‌ ಉದಯ ಕಿಶೋರ, ಔಷಧ ವಿಶ್ಲೇಷಕ ಶ್ರೀನಿವಾಸರೆಡ್ಡಿ, ಸಂಘದ ಪದಾಧಿಕಾರಿಗಳಾದ ಶೇಖ್‌ ಅಬ್ದುಲ್‌ ಗಫೂರ್‌, ಖಾಜಾ ಮೋಹಿನುದ್ದೀನ್‌, ಲಕ್ಷ್ಮಿನಾರಾಯಣ, ಸೈಯದ್‌ ಮೋಯಿನುದ್ದೀನ್‌, ಪ್ರಸನ್ನಕುಮಾರ ಮೆರವಣಿಗೆಯಲ್ಲಿ ಪಾಲ್ಗೊಂಡಿದ್ದರು.

ವೇದಿಕೆ ಕಾರ್ಯಕ್ರಮ: ಜಾಗೃತಿ ಜಾಥಾದ ಮೆರವಣಿಗೆ ಬಳಿಕ, ಕೌಲ್‌ಬಜಾರ್‌ ವ್ಯಾಪ್ತಿಯ ಟಿಆರ್‌ಎಸ್‌ ಸಭಾಂಗಣದಲ್ಲಿ ಏರ್ಪಡಿಸಿದ್ದ ವೇದಿಕೆ ಕಾರ್ಯಕ್ರಮದಲ್ಲಿ ಮಾನಸಿಕ ತಜ್ಞ ಡಾ.ಟಿ.ಆರ್‌.ಶ್ರೀನಿವಾಸ ವಿಶೇಷ ಉಪನ್ಯಾಸ ನೀಡಿದರು.