ನೀತಿ ಸಂಹಿತೆ ಉಲ್ಲಂಘನೆ: ಎತ್ತಿನ ಗಾಡಿ ಜಪ್ತಿ

ಕಾನಾಹೊಸಹಳ್ಳಿ: ವಿಧಾನಸಭೆ ಚುನಾವಣೆ ಪ್ರಚಾರದ ವೇಳೆ ಚುನಾವಣಾಧಿಕಾರಿ ಪೂರ್ವಾನುಮತಿ ಇಲ್ಲದೇ ಎತ್ತಿನಗಾಡಿ ಬಳಕೆ ಮಾಡಿದ್ದ ಪ್ರಕರಣಕ್ಕೆ ಸಂಬಂಧಿಸಿ ತನಿಖೆಗಾಗಿ ಮಂಗಳವಾರ ಸ್ಥಳೀಯ ಠಾಣೆ ಪೊಲೀಸರು ಎತ್ತಿನಗಾಡಿ ಜಪ್ತಿ ಮಾಡಿದರು.

ಚುನಾವಣೆ ಸಮಯದಲ್ಲಿ ಗ್ರಾಮಕ್ಕೆ ಕಾಂಗ್ರೆಸ್ ಅಭ್ಯರ್ಥಿ ಗುಜ್ಜಲ್ ರಘು ಪರವಾಗಿ ಪ್ರಚಾರ ನಡೆಸಲು ಸಿದ್ದರಾಮಯ್ಯ ಬರುವುದರಿಂದ ಮೆರವಣಿಗೆ ಹಮ್ಮಿಕೊಳ್ಳಲಾಗಿತ್ತು. ಆಗ ಅನುಮತಿ ಪಡೆಯದೇ ಎತ್ತಿನಗಾಡಿಗಳು ಬಳಸಲಾಗಿತ್ತು. ಅಂದಿನ ಚುನಾವಣಾಧಿಕಾರಿ ಜೆ.ಎಂ.ಅನ್ನದಾನಸ್ವಾಮಿ, 50 ಎತ್ತಿನ ಗಾಡಿಗಳ ವಿರುದ್ದ ನೀತಿ ಸಂಹಿತೆ ಉಲ್ಲಂಘನೆ ದೂರು ನೀಡಿದ್ದರು. ಈಗ ತನಿಖೆ ನಡೆದಿರುವುದರಿಂದ ಬಂಡಿ ವಶಕ್ಕೆ ಪಡೆಯಲಾಗಿದೆ.