ಸಚಿವರೊಂದಿಗೆ ಸಮಾಲೋಚನಾ ಸಭೆ

ಕಂಪ್ಲಿ : ಪಟ್ಟಣದಲ್ಲಿನ ಅಕ್ಕಿ ಗಿರಣಿ ಮಾಲೀಕರು ಸಣ್ಣ ಕೈಗಾರಿಕೆ ಸಚಿವ ಎಸ್‌.ಆರ್‌.ಶ್ರೀನಿವಾಸ ಜತೆ ಬುಧವಾರ ಸಮಾಲೋಚನಾ ಸಭೆ ನಡೆಸಿದರು.

ಅಕ್ಕಿಗಿರಣಿ ಮಾಲೀಕರ ಸಂಘದ ರಾಜ್ಯ ಉಪಾಧ್ಯಕ್ಷ ಕೆ.ಎಂ.ಹೇಮಯ್ಯಸ್ವಾಮಿ ಮಾತನಾಡಿ, ಹೊಸ ಮತ್ತು ಹಳೆ ಅಕ್ಕಿಗಿರಣಿಗಳಿಗೆ ಅಕ್ಕಿ ಮಾರಾಟದ ಮೇಲೆ ಏಕರೂಪದ ಸೇವಾಶುಲ್ಕ ವಿಧಿಸಬೇಕು. ಅಕ್ಕಿಗಿರಣಿಗಳಿಗೆ ಕನಿಷ್ಠ ನಿಗದಿತ ವಿದ್ಯುತ್‌ ಶುಲ್ಕ ಪದ್ಧತಿ ಕೈಬಿಡಬೇಕು. ಇದರಿಂದ ಚಾಲನೆ ಇಲ್ಲದಿದ್ದರೂ ಹೆಚ್ಚು ವಿದ್ಯುತ್‌ ಬಿಲ್‌ ಪಾವತಿಸುವಂತಾಗಿದೆ. ಬಳಸಿದ ವಿದ್ಯುತ್‌ಗೆ ಶುಲ್ಕ ವಿಧಿಸುವಂತಾಗಬೇಕು ಎಂದರು. ಸಭೆಯಲ್ಲಿ ಸಚಿವರನ್ನು ಹಾಗೂ ಶಾಸಕ ಜೆ.ಎನ್‌.ಗಣೇಶ್‌ ಅವರನ್ನು ಗೌರವಿಸಿದರು. ಅಕ್ಕಿಗಿರಣಿ ಮಾಲೀಕರಾದ ಡಿ.ವಿ.ಸುಬ್ಬಾರಾವ್‌, ಗರಡಿ ಈರಣ್ಣ, ಜಿ.ರಾಜಾರಾವ್‌, ಎಂ.ಬಾಲ ವೆಂಕಟೇಶ್‌, ಉಬಾಳೆ ತುಳಸಿರಾಮ್‌, ಜಿ.ವಿ.ಸತ್ಯನಾರಾಯಣಬಾಬು, ಕೇದಾರೇಶ್ವರ, ತಹಸೀಲ್ದಾರ್‌ ಶರಣಮ್ಮ, ಪುರಸಭೆ ಅಧ್ಯಕ್ಷ ಎಂ.ಸುಧೀರ್‌, ಜಿ.ಪಂ ಸದಸ್ಯ ಕೆ.ಶ್ರೀನಿವಾಸರಾವ್‌, ಎಂ.ಸಿ.ಮಾಯಪ್ಪ, ಅಯೋದಿ ವೆಂಕಟೇಶ, ಕೊಟ್ಟೂರು ರಮೇಶ, ಬಿ.ಚನ್ನಬಸವ ಇತರಿದ್ದರು.