ಸಾಲ ಬಾಧೆ: ರೈತ ಆತ್ಮಹತ್ಯೆ

ಹೊಳಲು (ಹೂವಿನಹಡಗಲಿ ತಾ.):ತಾಲೂಕಿನ ಕುರುವತ್ತಿ ನಿವಾಸಿ ಭೀಮಾನಾಯ್ಕ ಎನ್ನುವ ರೈತ ಸಾಲಬಾಧೆ ತಾಳದೇ ತನ್ನ ಮನೆಯಲ್ಲಿ ಶುಕ್ರವಾರ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಹರವಿ ಗ್ರಾಮದ ಪ್ರಗತಿ ಕಷ್ಣ ಗ್ರಾಮೀಣ ಬ್ಯಾಂಕ್‌ನಲ್ಲಿ ಮೃತ ರೈತ 1 ಲಕ್ಷ ರೂ.ಸಾಲ ಹೊಂದಿದ್ದರು. ಮಳೆ ಅಭಾವದಿಂದಾಗಿ ಕಳೆದ 2 ವರ್ಷ ಬೆಳೆ ಹಾನಿ ಸಂಭವಿಸಿತ್ತು. ಬ್ಯಾಂಕಿಗೆ ಸಾಲ ಮರುಪಾವತಿ ಮಾಡಲು ಆಗಿರಲಿಲ್ಲ. ಇದರಿಂದಾಗಿ ನೊಂದ ರೈತ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಮಾಹಿತಿ ತಿಳಿದ ಹಿನ್ನೆಲೆಯಲ್ಲಿ ತಹಸೀಲ್ದಾರ್ ರಾಘವೇಂದ್ರರಾವ್ ಸೇರಿದಂತೆ ಇತರ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿದರು.