‘ಸಾಲ ಮನ್ನಾ ಮಾಡಬೇಕು’

ಎಮ್ಮಿಗನೂರು: ರೈತರ ಸಾಲ ಮನ್ನಾ ಮಾಡಬೇಕು. ಮಾಡುವುದಿಲ್ಲ ಎಂದಿರುವುದರಿಂದ ಸಿಎಂ ನಡೆ ವಿರೋಧಿಸಿ ಬಿಜೆಪಿ ಮೇ28 ರಂದು ಬಂದ್‌ ನಡೆಸುತ್ತಿರುವುದಕ್ಕೆ ನಮ್ಮ ಬೆಂಬಲವಿದೆ ಎಂದು ತುಂಗಭದ್ರಾ ರೈತ ಸಂಘದ ಕುರುಗೋಡು ತಾಲೂಕು ಅಧ್ಯಕ್ಷ ಮುಷ್ಟಗಟ್ಟೆ ಭೀಮನಗೌಡ ತಿಳಿಸಿದರು.

ಸುದ್ದಿಗಾರರೊಂದಿಗೆ ಭಾನುವಾರ ಮಾತನಾಡಿದರು. ಕುಮಾರಸ್ವಾಮಿ ಅವರು ಅಧಿಕಾರ ಸ್ವೀಕರಿಸಿದ 24 ಗಂಟೆಯಲ್ಲಿ ಸಾಲ ಮನ್ನಾ ಎಂದಿದ್ದರು. ಈಗ ಮಾಡುವುದಿಲ್ಲ ಎಂದು ಕಾರಣ ಹೇಳುತ್ತಿದ್ದಾರೆ. ಅವರ ನಡೆಯನ್ನು ನಾವು ಖಂಡಿಸುತ್ತೇವೆ ಎಂದರು. ಗ್ರಾಮ ಘಟಕದ ಅಧ್ಯಕ್ಷ ಮ್ಯಾಳೂರು ಶರಣಪ್ಪ ಗೌಡ ಮಾತನಾಡಿ, ಸಂಪೂರ್ಣ ಸಾಲ ಮನ್ನಾ ಮಾಡಬೇಕು ಎಂದರು. ರೈತ ಮುಖಂಡರಾದ ಪಿ.ಲೋಕನಗೌಡ ಮುಷ್ಟಗಟ್ಟೆ, ಗೆಣಿಕೆಹಾಳ್‌ ಶಾಂತನಗೌಡ, ಮುಷ್ಟಗಟ್ಟೆ ಕೆ.ವೀರಣ್ಣ ನಾಯಕ, ಬೈರಾಪುರ ರುದ್ರಗೌಡ, ಎಸ್‌.ಪ್ರಭುಲಿಂಗನಗೌಡ, ಎಂ.ಸುರೇಶ, ನಾಗಪ್ಪ ನಾಯಕ, ರಂಜಾನ್‌ಸಾಬ್‌, ಕೆರೆಕೆರೆ ಈಶ್ವರ ನಾಯಕ ಇದ್ದರು.