ಹುಚ್ಚು ನಾಯಿ ಕಚ್ಚಿ ನಾಲ್ವರಿಗೆ ಗಾಯ

ಸಿರುಗುಪ್ಪ (ಬಳ್ಳಾರಿ): ತಾಲೂಕಿನ ಊಳೂರು ಮತ್ತು ತಾಳೂರು ಗ್ರಾಮಗಳಲ್ಲಿ ಗುರುವಾರ ರಾತ್ರಿ, ಹುಚ್ಚು ನಾಯಿಯೊಂದು ಕಚ್ಚಿ ಬಾಲಕಿ ಸೇರಿ ನಾಲ್ವರು ಗಾಯಗೊಂಡಿದ್ದಾರೆ.

ಮೊದಲು ತಾಳೂರು ಗ್ರಾಮದ ಗೋವಿಂದ ಮತ್ತು ಅಂಜಲಿ ಅವರಿಗೆ ಕಚ್ಚಿ ಗಾಯಗೊಳಿಸಿದ ಹುಚ್ಚು ನಾಯಿ, ನಂತರ ಊಳೂರು ಗ್ರಾಮದ ಮಂಗಮ್ಮ, ಐದು ವರ್ಷದ ಬಾಲಕಿ ಕವಿತಾ ಅವರ ಮೇಲೆ ದಾಳಿಮಾಡಿದೆ. ಕಿವಿಯನ್ನು ಬಲವಾಗಿ ಕಚ್ಚಿದ್ದರಿಂದ ತೀವ್ರ ಗಾಯಗೊಂಡ ಮಂಗಮ್ಮ ಅವರನ್ನು 108 ಆಂಬ್ಯುಲೆನ್ಸ್‌ನಲ್ಲಿ ಬಳ್ಳಾರಿಯ ವಿಮ್ಸ್ ಗೆ ದಾಖಲಿಸಲಾಗಿದೆ. ಉಳಿದ ಗಾಯಗೊಂಡವರಿಗೆ ಕರೂರು ಮತ್ತು ತಾಳೂರು ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಚಿಕಿತ್ಸೆ ನೀಡಲಾಯಿತು.