ಗುಡೇಕೋಟೆ : ಮೊಹರಂ ಕೊನೆ ದಿನ

ಕೂಡ್ಲಿಗಿ : ಹಿಂದೂ-ಮುಸ್ಲಿಂ ಭಾವೈಕ್ಯತೆಯಿಂದ ಆಚರಿಸಲ್ಪಡುವ ಮೊಹರಂ ಹಬ್ಬದ ಕೊನೆ ದಿನವಾದ ಶುಕ್ರವಾರ ತಾಲೂಕಿನ ಗುಡೇಕೋಟೆ ಗ್ರಾಮದಲ್ಲಿ ವಿಜೃಂಭಣೆಯಿಂದ ಪಂಜಾಗಳ ಮೆರವಣಿಗೆ ನಡೆಸುವ ಮೂಲಕ ಹಬ್ಬಕ್ಕೆ ಕೊನೆ ಹಾಡಲಾಯಿತು.

ಮೆರವಣೆಗೆಯಲ್ಲಿ ಹುಲಿವೇಷಗಾರರು ಹಾಗೂ ಇತರ ವೇಷಗಾರರು ಆಕರ್ಷಕವಾಗಿ ಕುಣಿಯುತ್ತ ಜನರ ಮನಸ್ಸನ್ನು ತಮ್ಮತ್ತ ಆಕರ್ಷಿಸುವಂತೆ ಮಾಡಿದರು. ಈ ಹಬ್ಬದಲ್ಲಿ ಕಂಡು ಬರುವ ಹುಲಿವೇಷ ಕರ್ಬಲಾ ಕಾಳಗದಲ್ಲಿ ಸತ್ತವರ ದೇಹಗಳನ್ನು ವೈರಿಗಳ ಕೈಗೆ ಸಿಗದಂತೆ ಕಾಪಾಡಿದ್ದು ಹುಲಿಗಳು ಎನ್ನಲಾಗುತ್ತದೆ. ಗುಡೇಕೋಟೆಯಲ್ಲಿ ಶುಕ್ರವಾರ ನಡೆದ ಈ ಹಬ್ಬದಲ್ಲಿ ಗುಡೇಕೋಟೆ ಸೇರಿದಂತೆ ಸುತ್ತಲಿನ ನಾನಾ ಗ್ರಾಮಗಳ ಜನರು ಪಂಜಾಗಳ ಮೆರವಣಿಗೆಯಲ್ಲಿ ಭಾಗವಹಿಸಿದ್ದರು. ಶುಕ್ರವಾರ ಮದ್ಯಾಹ್ನದಿಂದ ಆರಂಭವಾದ ಮೆರವಣಿಗೆ ಸಂಜೆ 5 ರವರೆಗೂ ವಿಜೃಂಭಣೆಯಿಂದ ಜರುಗಿತು. ಈ ಸಂದರ್ಭದಲ್ಲಿ ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಪೊಲೀಸರು ಎಚ್ಚರ ವಹಿಸಿದ್ದರು.