ಹಂಪಿಗೆ ಬ್ರಿಟಿಷ್‌ ರಾಯಭಾರಿ ದಂಪತಿ ಭೇಟಿ

ಹೊಸಪೇಟೆ : ತಾಲೂಕಿನ ವಿಶ್ವವಿಖ್ಯಾತ ಹಂಪಿಗೆ ಬ್ರಿಟಿಷ್‌ ರಾಯಭಾರಿ ಎಚ್‌.ಇ.ಡೊಮನಿಕ್‌ ಮತ್ತು ಅವರ ಪತ್ನಿ ಶುಕ್ರವಾರ ಭೇಟಿ ನೀಡಿದರು.

ವಿರೂಪಾಕ್ಷೇಶ್ವರ ದೇವಸ್ಥಾನಕ್ಕೆ ಆಗಮಿಸುತ್ತಿದ್ದಂತೆ ಅವರನ್ನು ಲಕ್ಷ್ಮಿಆನೆಯು ಸ್ವಾಗತ ಮಾಡಿತು. ಬಳಿಕ ಅವರು ವಿರೂಪಾಕ್ಷೇಶ್ವರ ದೇವರಿಗೆ ವಿಶೇಷ ಪೂಜೆ ಸಲ್ಲಿಸಿ, ದರ್ಶನ ಪಡೆದರು. ಬಳಿಕ ಕಮಲಾಪುರದಲ್ಲಿನ ದೇವಸ್ಥಾನ ಮತ್ತು ಸ್ಮಾರಕ, ರಾಣಿ ಸ್ನಾನಗೃಹ, ಮಹಾನವಮಿ ದಿಬ್ಬ, ಒಂಟೆಸಾಲು ಮತ್ತು ಆನೆ ಸಾಲು ಸೇರಿ ನಾನಾ ಸ್ಮಾರಕಗಳನ್ನು ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದರು.

ಬಳಿಕ ಅವರು ಮಾತನಾಡಿ, ಹಂಪಿಯ ಸ್ಮಾರಕಗಳು ನೋಡಲು ಅತ್ಯದ್ಭುತವಾಗಿವೆ. ಭಾರತಕ್ಕೆ ಹಂಪಿ ಪ್ರಮುಖ ಪ್ರೇಕ್ಷ ಣೀಯ ಸ್ಥಳವಾಗಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು. ಆ.12ರವರೆಗೆ ಹಂಪಿ ಪ್ರೇಕ್ಷ ಣೀಯ ಸ್ಥಳಗಳನ್ನು ವೀಕ್ಷ ಣೆ ಮಾಡಲಿದ್ದಾರೆ. ಅವರಿಗೆ ಹಂಪಿ ಪೊಲೀಸರು ಸೂಕ್ತ ಭದ್ರತೆ ಒದಗಿಸಿದ್ದಾರೆ ಎಂದು ಡಿವೈಎಸ್ಪಿ ಶಿವಾರೆಡ್ಡಿ ವಿಕಗೆ ತಿಳಿಸಿದರು. ಹಂಪಿ ಪೊಲೀಸ್‌ ಠಾಣೆಯ ಸಿಪಿಐ ರವಿಕುಮಾರ ಮತ್ತು ಪೊಲೀಸ್‌ ಸಿಬ್ಬಂದಿ ಬ್ರಿಟಷ್‌ ರಾಯಭಾರಿಗೆ ಸೂಕ್ತ ಭದ್ರತೆ ಕಲ್ಪಿಸಿದ್ದರು.