ಹಂಪಿಯಲ್ಲಿ ಚಿರತೆ ದಾಳಿಗೆ ಕುದುರೆ ಬಲಿ

ಹೊಸಪೇಟೆ: ಹಂಪಿಯಲ್ಲಿ ಸೋಮವಾರ ರಾತ್ರಿ, ಚಿರತೆ ದಾಳಿಗೆ ಕುದುರೆ ಬಲಿಯಾಗಿದ್ದು, ಪ್ರವಾಸಿಗರು ಹಾಗೂ ಸ್ಥಳೀಯರಲ್ಲಿ ಭೀತಿ ಆವರಿಸಿದೆ.

ಈ ಹಿಂದೆಯೂ ಹಂಪಿ ಪ್ರದೇಶದಲ್ಲಿ ಇಂಥದೇ ಘಟನೆ ನಡೆದಿತ್ತು. ಮೃತ ಕುದುರೆ, ಕುರಿಗಾಹಿಗಳಿಗೆ ಸೇರಿದೆ ಎನ್ನಲಾಗಿದೆ. ಅರಣ್ಯ ಇಲಾಖೆ ಹಾಗೂ ಪೊಲೀಸ್ ಇಲಾಖೆ ಅಧಿಕಾರಿಗಳು ಸ್ಥಳ ಪರಿಶೀಲಿಸಿದ್ದಾರೆ. ಚಿರತೆಗಳ ಪಥ ಬದಲಿಸಲು ಯೋಜಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.