‘ಕಾರಾಗೃಹಗಳಲ್ಲಿ ವೈದ್ಯರ ಕೊರತೆ’

ಬಳ್ಳಾರಿ: ಇಲ್ಲಿನ ಕೇಂದ್ರ ಕಾರಾಗೃಹದಲ್ಲಿರುವ 600ಕ್ಕೂ ಹೆಚ್ಚುಮಂದಿ ಕೈದಿಗಳಿಗೆ ಕೇವಲ ಒಬ್ಬ ವೈದ್ಯರಿದ್ದಾರೆ. ಹತ್ತು ವರ್ಷಗಳಿಂದ ಈ ಸಮಸ್ಯೆ ಮುಂದುವರಿದಿದ್ದು, ಸರಕಾರದ ಗಮನ ಸೆಳೆಯುವೆ ಎಂದು ರಾಜ್ಯ ಮಹಿಳಾ ಆಯೋಗದ ಅಧ್ಯಕ್ಷೆ ನಾಗಲಕ್ಷ್ಮಿ ಬಾಯಿ ಹೇಳಿದರು.

ಕೇಂದ್ರ ಕಾರಾಗೃಹಕ್ಕೆ ಮಂಗಳವಾರ ಭೇಟಿನೀಡಿದ್ದ ಅವರು, ಸುದ್ದಿಗಾರರೊಂದಿಗೆ ಮಾನಾಡಿದರು. ‘‘ಇಲ್ಲಿನ ಕಾರಾಗೃಹದಲ್ಲಿ 28 ಮಹಿಳಾ ಕೈದಿಗಳಿದ್ದಾರೆ. ಮಂಗಳಮುಖಿಯರು, ಅಪ್ರಾಪ್ತ ವಯಸ್ಕರು ಸೇರಿ ಹಲವು ವೃದ್ಧರೂ ಇದ್ದಾರೆ. ಮಾನವೀಯತೆ ದೃಷ್ಟಿಯಿಂದ ಅರ್ಹರ ಬಿಡುಗಡೆಗೆ ಕ್ರಮಕೈಗೊಳ್ಳುವಂತೆ ಸರಕಾರಕ್ಕೆ ಪತ್ರ ಬರೆಯುವೆ’’ ಎಂದು ತಿಳಿಸಿದರು.