ಚಿರತೆ ದಾಳಿ; ಹೋರಿಕರು ಗಾಯ

ಸಂಡೂರು : ತಾಲೂಕಿನ ತೋರಣಗಲ್ಲು ಹೋಬಳಿ ವ್ಯಾಪ್ತಿಯ ವಿಠಲಾಪುರ ಗ್ರಾಮದಲ್ಲಿ ಚಿರತೆಯೊಂದು ಹೋರಿ ಕರುವಿನ ಮೇಲೆ ದಾಳಿ ಮಾಡಿ ಗಾಯಗೊಳಿಸಿದ ಘಟನೆ ಸೋಮವಾರ ಬೆಳಗಿನ ಜಾವ ನಡೆದಿದೆ.

ಗ್ರಾಮದ ರಾಘವೇಂದ್ರ ಎಂಬ ರೈತ ಮನೆ ಪಕ್ಕದ ಕೊಟ್ಟಿಗೆಯಲ್ಲಿ ಕಟ್ಟಿದ್ದ ಹೋರಿ ಕರುವಿನ ಕುತ್ತಿಗೆಗೆ ಚಿರತೆ ಗಾಯಗೊಳಿಸಿದೆ. ಶಬ್ದವಾಗುತ್ತಿರುವದನ್ನು ಗಮನಿಸಿದ ರೈತ ರಾಘವೇಂದ್ರ ಮತ್ತು ಕುಟುಂಬದವರು ಚಿರಾಡಿದಾಗ ಚಿರತೆ ಓಡಿ ಹೋಗಿದೆ. ಸ್ಥಳಕ್ಕೆ ಆಗಮಿಸಿದ ಹಿರಿಯ ಪಶು ಪರೀಕ್ಷ ಕ ಅಶೋಕ ಗಾಯಗೊಂಡ ಕರುವಿಗೆ ಚಿಕಿತ್ಸೆ ನೀಡಿದ್ದಾರೆ.