ಪಶುವೈದ್ಯರ ನೇಮಕಕ್ಕೆ ಚಾಲನೆ: ಸಚಿವ ನಾಡಗೌಡ

ಸಿರುಗುಪ್ಪ (ಬಳ್ಳಾರಿ): ನಾನಾ ಇಲಾಖೆಗಳಿಗೆ ನಿಯೋಜನೆಗೊಂಡ ಸಿಬ್ಬಂದಿಯನ್ನು ಪಶು ಸಂಗೋಪನೆ ಇಲಾಖೆಗೆ ಮರಳಿ ಕರೆಯಿಸುವಂತೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ. ಹೈ.ಕ. ಭಾಗದಲ್ಲಿ ಖಾಲಿಯಿರುವ 120 ಪಶುವೈದ್ಯಾಧಿಕಾರಿಗಳ ನೇಮಕಕ್ಕೆ ಚಾಲನೆ ನೀಡಲಾಗಿದೆ ಎಂದು ಪಶುಸಂಗೋಪನೆ ಹಾಗೂ ಮೀನುಗಾರಿಕೆ ಸಚಿವ ವೆಂಕಟರಾವ್ ನಾಡಗೌಡ ಹೇಳಿದರು.

ಮಂಗಳವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ‘‘ಮೀನು ಮರಿ ಹಾಗೂ ಮೀನು ಸಾಕಣೆಗೆ ಸಹಾಯಧನ ನೀಡಲಾಗುವುದು. ರಾಜ್ಯದಲ್ಲಿ 2 ಮೀನು ಮಾರುಕಟ್ಟೆಗಳನ್ನು ಆರಂಭಿಸಲು ಯೋಜಿಸಲಾಗಿದೆ. ರಾಜ್ಯದ ಕೆಲವೆಡೆ ಕುರಿ ಮಾರುಕಟ್ಟೆ ಆರಂಭಿಸಬೇಕೆಂಬ ಒತ್ತಾಯ ಕೇಳಿಬಂದಿದೆ. ಮೊದಲಿಗೆ ಎಪಿಎಂಸಿಗಳಲ್ಲಿ ಲಭ್ಯವಿರುವ ಸ್ಥಳ ಪರಿಶೀಲಿಸಲಾಗುವುದು. ಅಲ್ಲಿ ಜಾಗ ದೊರೆಯದಿದ್ದರೆ, ಸರಕಾರಿ ಜಮೀನು ಪಡೆದು ಕುರಿ ಮಾರುಕಟ್ಟೆ ಸ್ಥಾಪಿಸಲಾಗುವುದು’’ ಎಂದರು.