ಮೋದಿ ಕಾರ್ಯಕ್ರಮ ಪರಿಶೀಲಿಸಿದ ವೀಕ್ಷಕರು

ಬಳ್ಳಾರಿ : ಬಿಜೆಪಿ ಜಿಲ್ಲಾ ಘಟಕದಿಂದ ಇಲ್ಲಿಯ ಜಿಲ್ಲಾ ಕ್ರೀಡಾಂಗಣದಲ್ಲಿ ಗುರುವಾರ ಮಧ್ಯಾಹ್ನ ನಡೆಯುವ ಪ್ರಧಾನಿ ನರೇಂದ್ರಮೋದಿ ಕಾರ್ಯಕ್ರಮಕ್ಕೂ ಮುನ್ನ ಕಾರ್ಯಕ್ರಮದ ಖರ್ಚು-ವೆಚ್ಚ ಮತ್ತು ಕೈಗೊಂಡ ಭದ್ರತೆಗೆ ಸಂಬಂಧಿಸಿದಂತೆ ಚುನಾವಣಾ ಪೊಲೀಸ್‌ ವೀಕ್ಷ ಕರು ಮತ್ತು ವೆಚ್ಚ ವೀಕ್ಷ ಕರು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಕಾರ್ಯಕ್ರಮದ ನಿಮಿತ್ತ ಹಾಕಲಾಗಿರುವ ಕುರ್ಚಿಗಳ ಸಂಖ್ಯೆ,ಬ್ಯಾನರ್‌ ಮತ್ತು ಭಾವುಟ, ಧ್ವನಿವರ್ಧಕ ಹಾಗೂ ಪಡೆದುಕೊಂಡಿರುವ ಅನುಮತಿ ಕುರಿತು ವೆಚ್ಚ ವೀಕ್ಷ ಕರು ವೇದಿಕೆಯತ್ತ ತೆರಳಿ ಪರಿಶೀಲನೆ ನಡೆಸಿದರು. ಎಸ್ಪಿ ಅರುಣರಂಗರಾಜನ್‌, ಜಿಲ್ಲಾ ಸ್ವೀಪ್‌ ಸಮಿತಿ ಅಧ್ಯಕ್ಷರಾದ ಜಿ.ಪಂ.ಸಿಇಒ ಡಾ.ಕೆ.ವಿ.ರಾಜೇಂದ್ರ, ಬಳ್ಳಾರಿ ನಗರ ಮತ್ತು ಗ್ರಾಮೀಣ ಕ್ಷೇತ್ರದ ಎಂಸಿಸಿ ನೋಡಲ್‌ ಅಧಿಕಾರಿಗಳು ಮತ್ತು ಸಹಾಯಕ ವೆಚ್ಚ ವೀಕ್ಷ ಕರು ಈ ತಂಡದಲ್ಲಿದ್ದರು.