ಆಜೀವ ಸದಸ್ಯತ್ವಕ್ಕೆ ಆಗ್ರಹಿಸಿ ಮನವಿ

ಬಳ್ಳಾರಿ : ವೀರಶೈವ ವಿದ್ಯಾವರ್ಧಕ ಸಂಘದ ಆಜೀವ ಸದಸ್ಯತ್ವ ನೀಡಬೇಕೆಂದು ಆಗ್ರಹಿಸಿ, ವೀರಶೈವ ವಿದ್ಯಾವರ್ಧಕ ಸಂಘ ನೂತನ ಸದಸ್ಯತ್ವ ಹೋರಾಟ ಸಮಿತಿಯು ಗುರುವಾರ ಸಂಘದ ಅಧ್ಯಕ್ಷ ಉಡೇದ ಬಸವರಾಜ್‌ ಮತ್ತು ಪದಾಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಿದರು.

ಸಂಘದ ಸದಸ್ಯತ್ವ ನೀಡುವಂತೆ ಹೋರಾಟ ಸಮಿತಿ ಆಗ್ರಹಿಸುತ್ತ ಬಂದಿದ್ದರೂ, ಕಾಲಕಾಲಕ್ಕೆ ಬಂದ ಕಾರ್ಯಕಾರಿ ಸಮಿತಿಗಳ ನಿರ್ಲಕ್ಷ್ಯದಿಂದಾಗಿ ಇದುವರೆಗೂ ಈ ವಿಷಯ ನನೆಗುದಿ ಬಿದ್ದಿದೆ. ಸಮಾಜ ಬಾಂಧವರ ಮನವಿಯನ್ನು ಸಹಾನುಭೂತಿಯಿಂದ ಪರಿಶೀಲಿಸಿ, ಕ್ರಮ ಕೈಗೊಂಡಿಲ್ಲ. ಕಳೆದ 8 ವರ್ಷಗಳಿಂದ ಹತ್ತು ಮನವಿ ಪತ್ರಗಳನ್ನು ನೀಡಿದಾಗ್ಯೂ, ಶೀಘ್ರದಲ್ಲಿ ಇದರ ಬಗ್ಗೆ ಚರ್ಚಿಸಿ ನಿರ್ಣಯ ತೆಗೆದುಕೊಳ್ಳುತ್ತೇವೆಂದು ಆಶ್ವಾಸನೆ ನೀಡುತ್ತ ಬಂದಿದ್ದಾರೆ. ಈವರೆಗೆ ಕ್ರಮ ಕೈಗೊಂಡಿಲ್ಲ ಎಂದು ಗಮನ ಸೆಳೆದರು. ಕೂಡಲೇ ಸದಸ್ಯತ್ವ ಪಡೆಯಲು ಕ್ರಮ ಕೈಗೊಳ್ಳಬೇಕೆಂದು ತಿಳಿಸಿದರು.

ಈ ಸಂದರ್ಭದಲ್ಲಿ ಹೋರಾಟ ಸಮಿತಿಯ ಸಂಚಾಲಕ ಮೀನಹಳ್ಳಿ ಚಂದ್ರಶೇಖರ್‌, ಬಿ.ಡಿ.ಗೌಡ, ಚಾನಾಳ್‌ ಶೇಖರ್‌, ಹೊನ್ನನಗೌಡ.ಪಿ, ಶ್ರೀಧರಗೌಡ, ಸಿದ್ರಾಮನಗೌಡ, ಮಂಜುನಾಥ, ಶಿವಕುಮಾರಸ್ವಾಮಿ, ಬೆಳ್ಳಿಗಾರ್‌ ಮಂಜುನಾಥ, ಜಾಲಿಬೆಂಚಿ ಶಿವು, ವೀರನಗೌಡ, ಎ.ಪಿ.ಎಂ.ಸಿ. ವೀರೇಶ್‌, ಬಸವರಾಜ, ಫೋಟೋ ಶಿವರಾಜ, ವಿಶ್ವನಾಥಸ್ವಾಮಿ, ರಮೇಶ್‌, ಡಿ.ಕಗ್ಗಲ್‌ ಅಂಗಡಿ ಶಂಕರ್‌, ವೀರೇಶ್‌ ತೋಟದ ಸೇರಿದಂತೆ ಇತರರು ಇದ್ದರು.