ಬಳ್ಳಾರಿ: ತುಂಗಭದ್ರಾ ಹಿನ್ನೀರಿನಲ್ಲಿ ಮುಳುಗಿ ಬೆಂಗಳೂರಿನ ಉದ್ಯೋಗಿ ಸೇರಿ ಇಬ್ಬರ ಸಾವು

ಬಳ್ಳಾರಿ: ತಾಲೂಕಿನ ಮರಿಯಮ್ಮನಹಳ್ಳಿಯ ಬಳಿ ಡಾಣಾಪುರ ತುಂಗಭದ್ರಾ ಹಿನ್ನೀರಿನಲ್ಲಿ ಮುಳುಗಿ ಇಬ್ಬರು ಮೃತಪಟ್ಟಿದ್ದಾರೆ.

ಬೆಂಗಳೂರಿನ ಎಂಜಿನಿಯರ್ ಉದ್ಯೋಗಿ ಡಾಣಾಪುರದ ಬಸವರಾಜ (25) ಹಾಗೂ ಸಂಡೂರಿನ ಹರೀಶ್ (17) ಮೃತ ದುರ್ದೈವಿಗಳು.

ಹಿನ್ನೀರಿನ ಬಳಿ ಬಸವರಾಜ ಅವರ ಹೊಲವಿದೆ. ಬಸವರಾಜ ಅವರು ಅಕ್ಕ ನಾಗತ್ನಮ್ಮ ಹಾಗೂ ಅಳಿಯ ಹರೀಶ್‍ನೊಂದಿಗೆ ಹೊಲಕ್ಕೆ ತೆರಳಿದ್ದಾರೆ. ಮೀನುಗಾರ ತಪ್ಪೆದಲ್ಲಿ ಬಸವರಾಜ ಮತ್ತು ಹರೀಶ್ ತೆರಳಿದ್ದ ವೇಳೆ ಗಾಳಿಗೆ ತೆಪ್ಪ ಬೇರೆ ಕಡೆ ಚಲಿಸಲು ಪ್ರಾರಂಭವಾಗಿದೆ. ಇದರಿಂದ ಭಯಭೀತರಾದ ಯುವಕರು ನೀರಿಗೆ ಹಾರಿದ್ದಾರೆ. ಈಜು ಬಾರದೇ ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸ್ಥಳಕ್ಕೆ ಉಪವಿಭಾಗಾಧಿಕಾರಿ ಪಿ.ಎನ್.ಲೋಕೇಶ್, ಕೂಡ್ಲಿಗಿ ಡಿವೈಎಸ್ಪಿ ಎಂ.ಸಿ.ಶಿವುಕುಮಾರ, ತಹಶೀಲ್ದಾರ್ ಎಚ್.ವಿಶ್ವನಾಥ, ಮರಿಯಮ್ಮಹಳ್ಳಿ ಪೊಲೀಸ್ ಠಾಣೆಯ ಪಿಎಸ್‍ಐ ಶಿವಕುಮಾರ ಭೇಟಿ ನೀಡಿ ಪರಿಶೀಲಿಸಿದರು.