ಸರಕಾರಿ ಆಸ್ಪತ್ರೆಗೆ ಜಿ.ಪಂ.ಅಧ್ಯಕ್ಷೆ ಭೇಟಿ

ಹೊಸಪೇಟೆ ; ನಗರದ ಉಪವಿಭಾಗದ ಸರಕಾರಿ ಸಾರ್ವಜನಿಕ ಆಸ್ಪತ್ರೆಗೆ ಶನಿವಾರ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷೆ ಭಾರತಿ ತಿಮ್ಮಾರೆಡ್ಡಿ ಭೇಟಿ ನೀಡಿ, ಮೊಹರಂ ಆಚರಣೆ ವೇಳೆ ಚಿತ್ತವಾಡ್ಗಿಯಲ್ಲಿ ಹಳೆಯ ಕಟ್ಟಡದ ಸಜ್ಜಾ ಕುಸಿದುಬಿದ್ದು ಗಾಯಗೊಂಡಿದ್ದವರ ಆರೋಗ್ಯ ವಿಚಾರಿಸಿದರು.

ಬಳಿಕ ಮಾತನಾಡಿದ ಅವರು, ಕಟ್ಟಡ ಕುಸಿದು ಮೃತಪಟ್ಟ ಬಾಲಕಿ ಕುಟುಂಬಕ್ಕೆ ಮತ್ತು ಗಾಯಗೊಂಡಿದ್ದವರಿಗೆ ಪರಿಹಾರ ನೀಡಲಾಗುವುದು. ಆಸ್ಪತ್ರೆಯಲ್ಲಿ ವೈದ್ಯರ ಮತ್ತು ಬೆಡ್‌ಗಳ ಸಮಸ್ಯೆ ಇದ್ದು, ಅದನ್ನು ಮುಂದಿನ ದಿನಗಳಲ್ಲಿ ಪರಿಹರಿಸಲಾಗುವುದು. ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾದವರಿಗೆ ಆರೋಗ್ಯ ಕರ್ನಾಟಕ ಯೋಜನೆಯಡಿ ಚಿಕಿತ್ಸೆ ನೀಡಲಾಗುವುದು ಎಂದು ಭರವಸೆ ನೀಡಿದರು. ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಶಿವರಾಮ್‌ ಹೆಡೆ, ತಾಲೂಕು ಪ್ರಭಾರ ವೈದ್ಯಾಧಿಕಾರಿ ಪವನ್‌ ಕುಮಾರ,ಡಾ.ಭಾಗಿರಥಿ, ತಾಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ವೆಂಕೋಬಪ್ಪ, ಡಾ.ಸಲೀಂ, ಪಿಜಿಶಿಯನ್‌ ಸೋಮಶೇಖರ ಇನ್ನಿತರರಿದ್ದರು.