ಮನೆ ಮನೆಗೆ ಭೇಟಿ, ನಿಗಮ ಮಾಹಿತಿ

ಕಂಪ್ಲಿ : ರಾಜ್ಯ ವಿಶ್ವಕರ್ಮ ಸಮುದಾಯಗಳ ಅಭಿವೃದ್ಧಿ ನಿಗಮದ ಜಿಲ್ಲಾ ನಾಮ ನಿರ್ದೇಶನ ಸದಸ್ಯ ಕಂಪ್ಲಿ ಎಂ.ಮಂಜುನಾಥ ಇಲ್ಲಿನ ವಿಶ್ವ ಕರ್ಮ ಸಮುದಾಯದವರ ಮನೆ, ಮನೆಗೆ ತೆರಳಿ ಅಭಿವೃದ್ಧಿ ನಿಗಮದ ನಾನಾ ಯೋಜನೆಗಳ ಕುರಿತು ಗುರುವಾರ ಮಾಹಿತಿ ನೀಡಿದರು.

ಇಲ್ಲಿನ ವಿಶ್ವಕರ್ಮ ಸೇರಿದಂತೆ ಉಪ ಜಾತಿಗಳ ಸಮುದಾಯದವರ ಮನೆ, ಅಂಗಡಿಗಳಿಗೆ ಹೋಗಿ ಅಭಿವೃದ್ಧಿ ನಿಗಮದ ಸಾಂಪ್ರದಾಯಿಕ ಪಂಚ ಕಸುಬುಗಳ ಪಕ್ಷಿ ನೋಟದ ಕರ ಪತ್ರ, ನಾನಾ ಯೋಜನೆಗಳ ವಿವರ ಪತ್ರಿಕೆ ವಿತರಿಸಿ, ತಿಳಿಸಿದರು. ಆಸಕ್ತರು, ಜು.16 ಅರ್ಜಿ ಪಡೆಯಬಹುದು. ಜು.25ರೊಳಗೆ ಭರ್ತಿ ಮಾಡಿ ಅರ್ಜಿಗಳನ್ನು ಆಯಾ ತಾಲೂಕಿನ ವಿಸ್ತರಣಾಧಿಕಾರಿಗಳ ಕಚೇರಿಗೆ ಇಲ್ಲವೇ ಜಿಲ್ಲಾ ವ್ಯವಸ್ಥಾಪಕರ ಕಚೇರಿಗೆ ಸಲ್ಲಿಸಬೇಕು ಎಂದು ಮನವಿ ಮಾಡಿದರು.