ಶೋಷಿತರಿಗೆ ಮತದಾರರ ಬೆಂಬಲ

ಹಗರಿಬೊಮ್ಮನಹಳ್ಳಿ : ಅಸ್ಪೃಶ್ಯ ಸಮಾಜಕ್ಕೆ ಆದ್ಯತೆ ನೀಡುವ ಮೂಲಕ ಮತದಾರರು ಶೋಷಿತ ಸಮುದಾಯದ ಕೈಹಿಡಿಯಲಿದ್ದಾರೆ ಎಂದು ಪಕ್ಷೇತರ ಅಭ್ಯರ್ಥಿ ಪರಮೇಶ್ವರಪ್ಪ ತಿಳಿಸಿದರು.

ಪಟ್ಟಣದಲ್ಲಿ ಭಾನುವಾರ ನಡೆದ ಬೈಕ್‌ರಾರ‍ಯಲಿ ನಂತರ ಮಾತನಾಡಿದರು. ಕಳೆದ 10ವರ್ಷಗಳಿಂದಲೂ ನೈಜ ದಲಿತರಿಗೆ ನಾನಾ ಯೋಜನೆಗಳಲ್ಲಿ ಅನ್ಯಾಯವಾಗಿದೆ. ಈ ಬಾರಿ ಮತದಾರರು ಸಮುದಾಯಕ್ಕೆ ನ್ಯಾಯ ಒದಗಿಸಲಿದ್ದಾರೆ ಎಂದರು.

ಮುಖಂಡ ಬಲ್ಲಾಹುಣ್ಸಿ ರಾಮಣ್ಣ ಮಾತನಾಡಿ, ಪಕ್ಷಾಂತರಿಗಳಿಗೆ ತಕ್ಕ ಪಾಠಕಲಿಸಬೇಕು ಎಂದು ಮಾಜಿ ಶಾಸಕ ಭೀಮನಾಯ್ಕ ವಿರುದ್ಧ ಸಿಡಿಮಿಡಿಗೊಂಡರು. ಮುಖಂಡರಾದ ಜೆ.ಯೋಗಾನಂದ, ಎಲಿಗಾರ ರವಿ, ಸಂಪತ್‌ಕುಮಾರ ನಾಯ್ಕ, ದುರುಗಪ್ಪ, ಮರಿಯಪ್ಪ, ಚಾರೆಪ್ಪ ಇತರರಿದ್ದರು.