ಜಲಾಶಯದಿಂದ ನದಿಗೆ ನೀರು

ಹೊಸಪೇಟೆ: ನಗರದ ತುಂಗಭದ್ರಾ ಜಲಾಶಯದ 30 ಕ್ರಸ್ಟ್ ಗೇಟ್ ಮೂಲಕ ಮಂಗಳವಾರ ಸಂಜೆ 1,02,550 ಕ್ಯೂಸೆಕ್ ನೀರನ್ನು ನದಿಗೆ ಹರಿಬಿಡಲಾಯಿತು.

20 ಗೇಟ್‌ನಲ್ಲಿ 2.5 ಅಡಿ ಮೂಲಕ ತಲಾ ಒಂದು ಗೇಟ್‌ನಲ್ಲಿ 3,655 ಕ್ಯೂಸೆಕ್ ಹಾಗೂ 10 ಗೇಟ್‌ನಲ್ಲಿ 2 ಅಡಿ ಮೂಲಕ ತಲಾ ಒಂದು ಗೇಟ್‌ನಲ್ಲಿ 2,945 ಕ್ಯೂಸೆಕ್ ನೀರನ್ನು ನದಿಗೆ ಹರಿಸಲಾಗುತ್ತಿದೆ. ಜಲಾಶಯಕ್ಕೆ 1,16,985 ಕ್ಯೂಸೆಕ್ ನೀರು ಹರಿದು ಬರುತ್ತಿದೆ. ಜಲಾಶಯದ ನೀರಿನ ಮಟ್ಟ 1631.87 ಅಡಿ ಇದ್ದು, 96.528 ಟಿಎಂಸಿ ಸಂಗ್ರಹವಾಗಿದೆ. ಎಚ್‌ಎಲ್‌ಸಿಗೆ 1,864 ಕ್ಯೂಸೆಕ್ ಹಾಗೂ ಎಲ್‌ಎಲ್‌ಸಿಗೆ 441 ಕ್ಯೂಸೆಕ್ ನೀರನ್ನು ಹರಿಸಲಾಗುತ್ತದೆ ಎಂದು ತುಂಗಭದ್ರಾ ಮಂಡಳಿ ಅಧಿಕಾರಿಗಳು ತಿಳಿಸಿದ್ದಾರೆ.