ಬೆಂಗಳೂರಲ್ಲಿ ಹೊಸ ದಾಖಲೆ ಬರೆದ ಕೊರೊನಾ: 4,196 ಹೊಸ ಸೋಂಕು!

ಬೆಂಗಳೂರು: ರಾಜಧಾನಿಯಲ್ಲಿ ಕೊರೊನಾ ವೈರಾಣು ಸೋಂಕಿನ ಅಟ್ಟಹಾಸ ಮುಂದುವರಿದಿದ್ದು, ಗುರುವಾರ ಒಂದೇ ದಿನ ಒಟ್ಟು 4,196 ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಇದು ಈವರೆಗಿನ ದಾಖಲೆಯಾಗಿದೆ.

ಕೋವಿಡ್‌-19 ಪೀಡಿತರ ಪೈಕಿ 24 ಮಂದಿ ಮೃತಪಟ್ಟಿದ್ದು, ಸಾವಿಗೀಡಾದವರ ಸಂಖ್ಯೆ 2762ಕ್ಕೆ ಏರಿಕೆಯಾಗಿದೆ. ನಗರದಲ್ಲಿ ನಿತ್ಯ 3 ಸಾವಿರದಿಂದ 3500ರ ಆಸುಪಾಸಿನಲ್ಲಿ ಸೋಂಕಿತ ಪ್ರಕರಣಗಳು ವರದಿಯಾಗುತ್ತಿದ್ದವು. ಒಂದೇ ದಿನದಲ್ಲಿ ಸೋಂಕಿತರ ಸಂಖ್ಯೆ 4 ಸಾವಿರ ದಾಟಿರುವುದು ಇದೇ ಮೊದಲು.

ಬಿಬಿಎಂಪಿ ವ್ಯಾಪ್ತಿಯಲ್ಲಿ 2,08,467 ಕೋವಿಡ್‌ ಪ್ರಕರಣಗಳು ದಾಖಲಾಗಿವೆ. ಇದರಲ್ಲಿ1,65,419 ಮಂದಿ ಚೇತರಿಸಿಕೊಂಡು ಮನೆಗೆ ಮರಳಿದ್ದಾರೆ. ಉಳಿದ 40,285 ಮಂದಿ ನಿಗದಿತ ಆಸ್ಪತ್ರೆ, ಕೋವಿಡ್‌ ಆರೈಕೆ ಕೇಂದ್ರಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ರಾಜ್ಯದಲ್ಲಿ ತಗ್ಗಿ ಬೆಂಗಳೂರಿನಲ್ಲಿ ಅಬ್ಬರ ಮುಂದುವರಿಸಿದ ಕೊರೊನಾ..! ರಾಜಧಾನಿಯಲ್ಲಿ 4,000+ ಹೊಸ ಕೇಸ್‌

ಸೋಂಕಿನ ಪ್ರಮುಖಾಂಶಗಳು

• * ಒಟ್ಟು ಸೋಂಕಿತ ಪ್ರಕರಣಗಳು 2,08,467
• * ಗುಣಮುಖ 1,65,419
• * ಸಕ್ರಿಯ 40,285
• * ಮೃತಪಟ್ಟವರು 2762