ಐಟಿ ಸಿಟಿಯ ಮೆಟ್ರೋ ನಿಲ್ದಾಣದ ಸುತ್ತಲಿನ ಮಾರ್ಗಕ್ಕೆ ಸೈಕಲ್‌ ಪಥ ನಿರ್ಮಾಣ

[This story originally published in Bangalore mirror on Aug 31, 2018]

ಬೆಂಗಳೂರು: ನಗರದಲ್ಲಿ ಟ್ರಾಫಿಕ್‌ ಸಮಸ್ಯೆಯನ್ನು ಕೊಂಚ ಮಟ್ಟಿಗೆ ಸುಧಾರಿಸುವ ನಿಟ್ಟಿನಲ್ಲಿ ಬಿಬಿಎಂಪಿ ಮತ್ತೊಂದು ಹೆಜ್ಜೆ ಇಟ್ಟಿದೆ. ಮೆಟ್ರೋ ನಿಲ್ದಾಣಗಳಿಗೆ ಹತ್ತಿರ ಇರುವ ರಸ್ತೆಗಳಲ್ಲಿ ಪ್ರತ್ಯೇಕ ಸೈಕಲ್‌ ಪಥ ನಿರ್ಮಿಸಲು ಪಾಲಿಕೆ ಮುಂದಾಗಿದ್ದು, ಕಬ್ಬನ್‌ ರಸ್ತೆಯಲ್ಲಿ 2 ಕಿ.ಮೀ ಸೈಕಲ್‌ ಪಥ ನಿರ್ಮಾಣ ಕಾರ್ಯ ಕೈಗೆತ್ತಿಕೊಂಡಿದೆ.

ಎಲ್ಲ ಮೆಟ್ರೋ ನಿಲ್ದಾಣದ ಹತ್ತಿರದ ರಸ್ತೆಗಳಲ್ಲಿ ಸೈಕಲ್‌ ಪಥ ನಿರ್ಮಿಸಲು ಪಾಲಿಕೆ ಮುಂದಾಗಿದ್ದು, ಸಾರ್ವಜನಿಕರು ತಮ್ಮ ಮನೆಗಳಿಂದ ಹತ್ತಿರದ ಮೆಟ್ರೋ ನಿಲ್ದಾಣದವರೆಗೆ ಸುರಕ್ಷಿತವಾಗಿ ಸೈಕಲ್‌ ಏರಿ ಬರಲು ಅನುಕೂಲಕರ ವಾತಾವರಣ ಸೃಷ್ಟಿಸಲಾಗುತ್ತಿದೆ. ಕೊನೆ ಹಂತದ ಸಂಪರ್ಕಕ್ಕೆ ಈ ವ್ಯವಸ್ಥೆ ಹೆಚ್ಚು ಪರಿಣಾಮಕಾರಿಯಾಗಲಿದೆ ಎಂದು ಪಾಲಿಕೆ ಅಧಿಕಾರಿಗಳು ಅಭಿಪ್ರಾಯಪಟ್ಟಿದ್ದಾರೆ.

ಹೊಸ ಯೋಜನೆ ಜಾರಿಗೆ ಸುಮಾರು 99 ಕೋಟಿ ರೂ.ಗಳು ಅವಶ್ಯವಾಗಿದ್ದು, ವಿಸ್ಕೃತ ಯೋಜನಾ ವರದಿ ಸಿದ್ಧಪಡಿಸಿ, 6 ತಿಂಗಳೊಳಗಾಗಿ ಸಲ್ಲಿಸಲಾಗುತ್ತದೆ. ಎಂದು ಪಾಲಿಕೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಪಾಲಿಕೆ ಇದೀಗ ಎಚ್‌ಎಸ್‌ಆರ್‌ ಬಡಾವಣೆಯಲ್ಲಿ ಸೈಕಲ್‌ ಪಥವನ್ನು 18ಕೋಟಿ ರೂ.ನಲ್ಲಿ ನಿರ್ಮಿಸುತ್ತಿದೆ. ಈ ಮೊದಲು 17 ಕಿ.ಮೀ ಉದ್ದದ ಸೈಕಲ್‌ ಪಥ ನಿರ್ಮಾಣಕ್ಕೆ ಸಿದ್ಧತೆ ನಡೆಸಲಾಗಿತ್ತು. ಆ ಬಳಿಕ 7ಕಿ.ಮೀಗೆ ಸೀಮಿತಗೊಳಿಸಲಾಗಿದೆ. ರಸ್ತೆ ಅಗಲೀಕರಣ ಯೋಜನೆಯಿಂದ ದೂರವನ್ನು ಕಡಿಮೆಗೊಳಿಸಲಾಗಿದೆ. ಪಾಲಿಕೆ ಸಭೆಯಲ್ಲ ಪಬ್ಲಿಕ್‌ ಸೈಕಲ್‌ ಶೇರಿಂಗ್‌ ಪ್ರಾಜೆಕ್ಟ್‌ ಅನುಮೋದನೆ ದೊರೆತಿದ್ದು, ಒಂದು ತಿಂಗಳಲ್ಲಿ ಕಾರ್ಯಾರಂಭಗೊಳ್ಳಲಿದೆ ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.