ಬೆಂಗಳೂರು: ಉದ್ಯಾನನಗರಿಯ ಸಮಗ್ರ ಅಭಿವೃದ್ಧಿಗೆ ಸಂಬಂಧಿಸಿದಂತೆ 'ವಿಷನ್‌ ಬೆಂಗಳೂರು-2050' ಯೋಜನೆ ಮತ್ತೆ ಸದ್ದು ಮಾಡುತ್ತಿದೆ. ಮಹಾನಗರದ ಬೆಳವಣಿಗೆಯನ್ನು ಗಮನದಲ್ಲಿಟ್ಟುಕೊಂಡು ನಾಗರಿಕರು, ತಜ್ಞರು ಹಾಗೂ ಬಿಬಿಎಂಪಿ ನಡುವೆ ಕೊಂಡಿಯಂತೆ ಕೆಲಸ ಮಾಡುವ ನೀಲನಕ್ಷಾ ಕ್ರಿಯಾ ತಂಡ ರಚಿಸುವಂತೆ 'ಬೃಹತ್‌ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ಆಯುಕ್ತ ಬಿ.ಎಚ್‌. ಅನಿಲ್‌ ಕುಮಾರ್‌ ಗುರುವಾರ ಆದೇಶ ನೀಡಿದ್ದಾರೆ.

ಮಾನ್ಯ ಮುಖ್ಯಮಂತ್ರಿಗಳ ದೂರದೃಷ್ಟಿಯಂತೆ, 'ಬೆಂಗಳೂರು ವಿಷನ್‌-2050' ಕೈಪಿಡಿ ತಯಾರಿಸಲು ಮುಂದಾಗಿದ್ದೇವೆ. ಇದಕ್ಕಾಗಿ ಪ್ರತ್ಯೇಕ 'ನಗರ ಯೋಜನಾ ತಂಡ' ರಚನೆಯಾಗುತ್ತಿದೆ' ಇದರಲ್ಲಿ ನಗರ ಯೋಜನೆ ವಿಭಾಗದ ತಜ್ಞರು ಇರಲಿದ್ದು, ಕೈಪಿಡಿಯ ಕರಡು ಪ್ರತಿಯನ್ನು ತಯಾರಿಸಲಿದ್ದಾರೆ ಎಂದು ಟ್ವೀಟ್‌ನಲ್ಲಿ ತಿಳಿಸಿದ್ದು, ವೈರಲ್‌ ಆಗಿದೆ.

ಬೆಂಗಳೂರು ವಿಷನ್‌ ಗ್ರೂಪ್‌ ರಚನೆ ರದ್ದು

ಬಿಬಿಎಂಪಿ 'ವಿಷನ್‌-2050' ಯೋಜನೆ ಕೈಗೊಳ್ಳುತ್ತಿದೆ. ಇದನ್ನು ಇಲ್ಲಿನ ನಾಗರಿಕರ ಸಹಕಾರವಿದ್ದರೆ ಮಾತ್ರವೇ ಯೋಜಿಸಿ, ಅನುಷ್ಠಾನಗೊಳಿಸಲು ಸಾಧ್ಯ. ಈ ನಿಟ್ಟಿನಲ್ಲಿ ನಗರದ ಎಲ್ಲ ನಾಗರಿಕರು ಪಾಲ್ಗೊಳ್ಳಬೇಕು ಎಂದು ಮತ್ತೊಂದು ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ.

ವಿಷನ್‌-2050ಕೈಪಿಡಿ ರಚನೆ ತಂಡಕ್ಕೆ ಬಿಬಿಎಂಪಿಗೆ ವಿಶೇಷವಾಗಿ ನೇಮಕವಾಗಿರುವ ಹೆಚ್ಚುವರಿ ನಿರ್ದೇಶಕ ಎಸ್. ಎಲ್‌. ರಾಜಣ್ಣ ನೇತೃತ್ವ ವಹಿಸಲಿದ್ದಾರೆ.

‘ವಿಷನ್ ಬೆಂಗಳೂರು’ ಬಿಡುಗಡೆ ಮಾಡಲಿರುವ ಸಿಎಂ

ಹಿಂದೆಯೂ ಪ್ರಸ್ತಾವನೆಯಾಗಿತ್ತು: ಈ ಹಿಂದಿನ ಸಿದ್ದರಾಮಯ್ಯ ಸರ್ಕಾರದ ಅವಧಿಯಲ್ಲೇ 'ಬೆಂಗಳೂರು ವಿಷನ್‌-2050' ಪ್ರಸ್ತಾವನೆಯಾಗಿತ್ತು. ಆದರೆ, ಈ ಯೋಜನೆಯನ್ನು ಪ್ರಶ್ನಿಸಿ , ಹೈಕೋರ್ಟ್‌ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಕೆಯಾಗಿತ್ತು. ಸಂವಿಧಾನಬದ್ಧ ಬೆಂಗಳೂರು ಮಹಾನಗರ ಯೋಜನಾ ಸಮಿತಿ ಅಸ್ತಿತ್ವದಲ್ಲಿರಬೇಕಾದರೆ ಮತ್ತೊಂದು ಪೂರಕ ಸಂಸ್ಥೆ 'ಬೆಂಗಳೂರು ವಿಷನ್‌ ಗ್ರೂಪ್‌' ರಚನೆ ಅಗತ್ಯವೇನಿತ್ತು ಎಂದು ಹೈಕೋರ್ಟ್ ಚಾಟಿ ಬೀಸಿತ್ತು. ಈ ಹಿನ್ನೆಲೆಯಲ್ಲಿ ಅಂದಿನ ರಾಜ್ಯ ಸರಕಾರ ವಿಷನ್‌ ಗ್ರೂಪ್‌ ಯೋಜನೆಯನ್ನು ರದ್ದುಗೊಳಿಸಿತ್ತು.