ಆ್ಯಪ್ನಗರ

ಆನ್‌ಲೈನ್‌ ವಂಚನೆ: ಓಎಲ್‌ಎಕ್ಸ್‌ನಲ್ಲಿ ಮಾರಾಟಕ್ಕಿಟ್ಟ ವಸ್ತುಗಳೆಲ್ಲವನ್ನೂ ಕೊಳ್ಳುತ್ತೇನೆಂದು ಬಂದಿದ್ದ ವಂಚಕ!

ಆನ್‌ಲೈನ್‌ ಮೋಸದ ಬಗ್ಗೆ ಜನರಿಗೆ ಮನವರಿಕೆ ಮಾಡಿಕೊಟ್ಟ ಯುವತಿ. ತನಗಾದ ಅನುಭವನ್ನ ಬಿಚ್ಚಿಟ್ಟ ಯುವತಿ.

Vijaya Karnataka Web 2 Jun 2020, 8:19 pm
ಬೆಂಗಳೂರು: ಸೈಬರ್‌ ವಂಚಕರು ಅದು ಹೇಗೆ ಹೊಂಚು ಹಾಕಿ ಕುಳಿತಿರುತ್ತಾರೆ ಅನ್ನೋದಕ್ಕೆ ಇದೊಂದು ಬೆಸ್ಟ್‌ ಉದಾಹರಣೆ. ಯುವತಿಯೊಬ್ಬಳು ತನ್ನ ಚಾಣಕ್ಷತನದಿಂದ ಸೈಬರ್‌ ವಂಚಕನ ಬಲೆಗೆ ಬೀಳುವುದರಿಂದ ಸ್ವಲ್ಪದರಲ್ಲೇ ತಪ್ಪಿಸಿಕೊಂಡಿದ್ದಾರೆ. ಈ ಬಗ್ಗೆ ಯುವತಿಯೇ ತನ್ನ ಫೇಸ್‌ಬುಕ್‌ನಲ್ಲಿ ವಿವರಿಸಿದ್ದು ಒಎಲ್‌ಎಕ್ಸ್‌ನಲ್ಲಿ ಹಳೆಯ ವಸ್ತುಗಳನ್ನ ಮಾರಾಟ ಮಾಡಲು ಮುಂದಾದಾಗ ಮನೋಜ್‌ ಎಂಬಾತ ಅದು ಹೇಗೆ ಅವರಿಂದ ಹಣ ಎಗರಿಸೋಕೆ ಮುಂದಾಗಿದ್ದ ಅನ್ನೋದನ್ನ ವಿವರಿಸಿದ್ದಾರೆ.
Vijaya Karnataka Web 65727648



ಆನ್‌ಲೈನ್‌ ಫ್ರಾಡ್( ಮೋಸದ) ನ ಇನ್ನೊಂದು ಮುಖ.
ನಮ್ಮ ಕೆಲವೊಂದು ಹಳೆಯ ಸಾಮಾನುಗಳನ್ನು ಮಾರಲೆಂದು ಓಎಲ್ಎಕ್ಸ್ ಗೆ ಜಾಹಿರಾತು ಕೊಟ್ಟಿದ್ದೆ.ಮನೋಜ್ ಎನ್ನುವವ ಕಾಲ್ ಮಾಡಿ ತಾನು ಸೆಕಂಡ್ ಹ್ಯಾಂಡ್ ಡೀಲರ್ ಎಂದು ಪರಿಚಯಿಸಿಕೊಂಡು ಅಷ್ಟೂ ಸಾಮಾನುಗಳನ್ನು ಖರೀದಿಸುವುದಾಗಿ ಹೇಳಿಕೊಂಡ. ಇಲ್ಲಿಗೆ ಬಂದು ಎಲ್ಲಾ ವಸ್ತುಗಳನ್ನು ಚೆಕ್ ಮಾಡಲು ಹೇಳಿದೆ. ಆತ ಪರವಾಗಿಲ್ಲ ನಾನು ಈಗಲೇ ಸ್ವಲ್ಪ ಹಣವನ್ನು ಆನ್ಲೈನ್ ಟ್ರಾನ್ಸಫರ್ ಮಾಡುತ್ತೇನೆ ಅಂತ ಹೇಳಿದಾಗ ನನಗೆ ಅನುಮಾನ ಶುರುವಾಯ್ತು. ನಂತರ ವಾಟ್ಸಾಪ್ ಅಲ್ಲಿ ಕ್ಯೂ ಆರ್ ಕೋಡ್ ಕಳಿಸಿ ಸ್ಕಾನ್ ಮಾಡಲು ಹೇಳಿದ. ನಾನು ಇದನ್ನೆಲ್ಲ ಮಾಡಲು ಆಗೋದಿಲ್ಲ. ಹಣ ಕಳಿಸುವುದಾದರೆ ನಾರ್ಮಲ್ ಆಗಿಯೇ ಕಳಿಸಿ ಇಲ್ಲವಾದಲ್ಲಿ ನೀವು ಖರೀದಿ ಮಾಡುವುದು ಬೇಡ ಎಂದೆ. ಕೊಂಚ ಸಮಯದ ನಂತರ ಸರಿ ಗೂಗಲ್ ಪೇನಲ್ಲಿ ಒಂದು ಮೆಸೇಜ್ ಬಂದಿದೆ ಅದನ್ನು ಅಕ್ಸೆಪ್ಟ್ ಮಾಡಿ ಎಂದು ಕಾಲ್ ಮಾಡಿದ. ಅಲ್ಲಿದ್ದುದು 20,000 ಹಣದ ಬೇಡಿಕೆ. ಒಂದು ವೇಳೆ ನಾನು ಕುರುಡಾಗಿ ಅಕ್ಸೆಪ್ಟ್ ಮಾಡಿದಿದ್ದರೆ 20 ಸಾವಿರ ಕಳೆದುಕೊಳ್ಳುತ್ತಿದ್ದೆ. ನಂತರ ಮತ್ತೆ ಫೋನ್ ಮಾಡಿದವನಿಗೆ ಬೈದು ಪೋಲೀಸ್ ಕಂಪ್ಲೇಂಟ್ ಕೊಡುತ್ತೇನೆ ಎಂದ ಹೇಳಿ ಕಟ್ ಮಾಡಿದೆ.ದಯವಿಟ್ಟು ದಯವಿಟ್ಟು ನಿಮ್ಮ ಸುತ್ತಮುತ್ತಲಿನವರನ್ನು ಅಲರ್ಟ ಮಾಡಿ. ಅವನ ನಂಬರ್ ಮತ್ತು ಸ್ಕ್ರೀನ್ ಶಾಟ್ ಅಟಾಚ್ ಮಾಡಿದ್ದೇನೆ.

ಕೇವಲ ಬೆಂಗಳೂರಿನಲ್ಲೇ ದಿನ ನಿತ್ಯ 20ಕ್ಕೂ ಹೆಚ್ಚು ಸೈಬರ್‌ ಕ್ರೈಮ್‌ಗಳು ನಡೆಯುತ್ತಿರುವ ಬಗ್ಗೆ ವರದಿಯಾಗುತ್ತಲೇ ಇರುತ್ತದೆ. ಪೊಲೀಸರು ಕೂಡ ಈ ಬಗ್ಗೆ ಜನರಿಗೆ ತಿಳಿಸುವ ಕೆಲಸ ಮಾಡುತ್ತಾ ಇರುತ್ತಾರೆ. ಬೇರೆ ನಗರಗಳಿಗೆ ಹೋಲಿಸದರೆ ಬೆಂಗಳೂರಲ್ಲೇ ಅತೀ ಹೆಚ್ಚು ಸೈಬರ್‌ ಅಪರಾಧಗಳು ನಡೆಯುತ್ತೆ ಅನ್ನುವುದರಲ್ಲಿ ಡೌಟೇ ಇಲ್ಲ.


ಹೀಗಾಗಿನೆ ಬೆಂಗಳೂರಿನಲ್ಲಿ ಸೈಬರ್‌ ಕ್ರೈಮ್‌ ಪೊಲೀಸ್‌ ಠಾಣೆಗಳನ್ನೇ ನಿರ್ಮಿಸಲಾಗಿದೆ. ಆದರೂ ಜನರು ಮಾತ್ರ ಮೋಸ ಹೋಗುತ್ತಲೇ ಇರುತ್ತಾರೆ. ಆದರೆ ಯುವತಿಯೊಬ್ಬಳು ತಾನು ಸೈಬರ್‌ ವಂಚನೆಯಿಂದ ಪಾರಾಗುವುದಲ್ಲದೇ, ಬೇರೆಯವರನ್ನು ಎಚ್ಚರಿಕೆಯಿಂದ ಇರುವಂತೆ ಮನವಿ ಮಾಡಿದ್ದಾಳೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ