ಯುಎಸ್‌ ಇನ್ವೆಂಟರ್ಸ್‌ ಕಾಂಪಿಟೀಷನ್‌: ಮಿಂಚಿದ ಬೆಂಗಳೂರಿನ ಸಾರ್ಥಕ್‌

ವಾಷಿಂಗ್ಟನ್‌: ಬೆಂಗಳೂರಿನ ಹುಡುಗ, ಅಟ್ಲಾಂಟ ಜಾರ್ಜಿಯಾ ಇನ್ಸ್ಟಿಟ್ಯೂಟ್‌ ಟೆಕ್ನಾಲಜಿಯ ವಿದ್ಯಾರ್ಥಿ ಸಾರ್ಥಕ್‌ ಶ್ರೀನಿವಾಸ್‌ ಅಮೆರಿಕದಲ್ಲಿ ನಡೆದ ಇನ್ವೆಂಟರ್ಸ್‌ ಕಾಂಪಿಟೀಷನ್‌ನಲ್ಲಿ ಭಾಗವಹಿಸಿ ಸಂದರ್ಶಕರ ಮನ ಗೆದ್ದಿದ್ದಾರೆ.

ವಿದ್ಯಾರ್ಥಿಗಳಲ್ಲಿ ಸೃಜನಶೀಲತೆ, ಅನ್ವೇಷಣೆ, ನಾವಿನ್ಯತೆ ಮನೋಭಾವವನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಅಮೆರಿಕದಲ್ಲಿ ಈ ಸ್ಪರ್ಧೆ ಆಯೋಜಿಸಲಾಗುತ್ತಿದೆ. ಸ್ಪರ್ಧೆಯಲ್ಲಿ ಭಾರತೀಯರು ಮತ್ತು ಭಾರತೀಯ ಮೂಲದ ಆರು ವಿದ್ಯಾರ್ಥಿಗಳು ಭಾಗವಹಿಸಿದ್ದರು.

ಸಾರ್ಥಕ್‌ ಅವರು ಮೂರನೇ ವರ್ಷದ ಇಂಡಸ್ಟ್ರಿಯಲ್‌ ಎಂಜಿನಿಯರಿಂಗ್‌ ವಿದ್ಯಾರ್ಥಿಯಾಗಿರುವ ಚಾರು ಥಾಮಸ್‌ ಜತೆ ಸೇರಿ , ಬೃಹತ್‌ ಗೋದಾಮಿನಿಂದ ಸುಲಭವಾಗಿ ವಸ್ತು ತೆಗೆಯಲು ನೆರವಾಗುವ ಅಕ್ಯುಲಾಗ್ಸ್‌ ಎಂಬ ಸಾಧನವನ್ನು ರೂಪಿಸಿ ಸ್ಪರ್ಧೆಯಲ್ಲಿ ಪ್ರದರ್ಶಿಸಿದ್ದಾರೆ. ಗೋದಾಮಿನಲ್ಲಿ ಬೃಹತ್‌ ಪ್ರಮಾಣದ ಸಾಮಗ್ರಿ ಸಂಗ್ರಹಣೆ ಬಹಳ ಕಷ್ಟವಿದ್ದು, ಬಹಳಷ್ಟು ಸಮಯ ಕೂಡ ವ್ಯಯಿಸಬೇಕಾಗಿದೆ. ಇದಕ್ಕೆ ಅಕ್ಯುಲಾಗ್ಸ್‌ ಅತ್ಯುತ್ತಮ ಪರಿಹಾರವಾಗಿದ್ದು, ಗೋದಾಮಿನಿಂದ ಸುಲಭವಾಗಿ ಬೇಕಿದ್ದ ಸಾಮಗ್ರಿಗಳನ್ನು ಹೊರ ತೆಗೆಯುವುದಕ್ಕೂ ಅಕ್ಯುಲಾಗ್ಸ್‌ ಬಹಳಷ್ಟು ನೆರವಾಗುವುದು ಎಂದು ಸಾರ್ಥಕ್‌ ಹೇಳಿದ್ದಾರೆ.

ಸಾರ್ಥಕ್‌ ಅವರು ಮೂರನೇ ವರ್ಷದ ಇಂಡಸ್ಟ್ರಿಯಲ್‌ ಎಂಜಿನಿಯರಿಂಗ್‌ ವಿದ್ಯಾರ್ಥಿಯಾಗಿರುವ ಚಾರು ಥಾಮಸ್‌ ಜತೆ ಸೇರಿ , ಬೃಹತ್‌ ಗೋದಾಮಿನಿಂದ ಸುಲಭವಾಗಿ ವಸ್ತು ತೆಗೆಯಲು ನೆರವಾಗುವ ಅಕ್ಯುಲಾಗ್ಸ್‌ ಎಂಬ ಸಾಧನವನ್ನು ರೂಪಿಸಿ ಸ್ಪರ್ಧೆಯಲ್ಲಿ ಪ್ರದರ್ಶಿಸಿದ್ದಾರೆ. ಗೋದಾಮಿನಲ್ಲಿ ಬೃಹತ್‌ ಪ್ರಮಾಣದ ಸಾಮಗ್ರಿ ಸಂಗ್ರಹಣೆ ಬಹಳ ಕಷ್ಟವಿದ್ದು, ಬಹಳಷ್ಟು ಸಮಯ ಕೂಡ ವ್ಯಯಿಸಬೇಕಾಗಿದೆ. ಇದಕ್ಕೆ ಅಕ್ಯುಲಾಗ್ಸ್‌ ಅತ್ಯುತ್ತಮ ಪರಿಹಾರವಾಗಿದ್ದು, ಗೋದಾಮಿನಿಂದ ಸುಲಭವಾಗಿ ಬೇಕಿದ್ದ ಸಾಮಗ್ರಿಗಳನ್ನು ಹೊರ ತೆಗೆಯುವುದಕ್ಕೂ ಅಕ್ಯುಲಾಗ್ಸ್‌ ಬಹಳಷ್ಟು ನೆರವಾಗುವುದು.

ಅಕ್ಯುಲಾಗ್ಸ್‌ ಮೂಲಕ ಬಾರ್‌ಕೋಡ್‌ ಸ್ಕ್ಯಾನ್‌, ನಿರ್ದಿಷ್ಟ ಉತ್ಪನ್ನದ ಇಂಡೋರ್‌ ನಾವಿಗೇಷನ್‌, ಗೋದಾಮಿನಲ್ಲಿ ನಿರ್ದಿಷ್ಟ ವಸ್ತುವಿನ ನಿರ್ದಿಷ್ಟ ಶೆಲ್ಫ್‌ ಅನ್ನು ನಿರಾಯಾಸವಾಗಿ ಪತ್ತೆ ಹಚ್ಚಬಹುದಾಗಿದೆ,. ಇದರ ಬಳಕೆ ಕೂಡ ಸರಳ ಎಂದು ಸಾರ್ಥಕ್‌ ಹೇಳಿದ್ದಾರೆ.

ಸ್ಪರ್ಧೆಯಲ್ಲಿ ಭಾರತೀಯ ಮೂಲದ ಪೂಜಾ ನಾಯರ್‌, ಅಶ್ವಿನ್‌ರಾಜ್‌ ಕಾರ್ತಿಕೇಯನ್‌, ಅರ್ಚನಾ ಗುಜ್ಜಾರಿ, ಪ್ರವೀಣ್‌ ಕುಮಾರ್‌ ರೆಡ್ಡಿ ಭಾಗವಹಿಸಿದ್ದರು.