ಕಾರ್ನೆಜಿ ಹಾಲ್‌ನಲ್ಲಿ ಬೆಂಗಳೂರು ಹುಡುಗಿ

ಬೆಂಗಳೂರು: ಒಮ್ಮೆಯಾದರೂ ನ್ಯೂಯಾರ್ಕ್‌ನ ಪ್ರತಿಷ್ಠಿತ ಕಾರ್ನೆಜಿ ಹಾಲ್‌ನಲ್ಲಿ ಕಾರ್ಯಕ್ರಮ ನೀಡಬೇಕು ಎನ್ನುವುದು ಪ್ರತಿಯೊಬ್ಬ ಸಂಗೀತಗಾರರ ಕನಸು. ಬೆಂಗಳೂರಿನ ಜೆ.ಪಿ.ನಗರದ ಹುಡುಗಿ 12 ವರ್ಷದ ನೀಲಾಂಜನ ಜಯಂತ್ ಪಾಲಿಗೆ ಈ ಕನಸು ನನಸಾಗುತ್ತಿದೆ.

ನೀಲಾಂಜನ ಅವರು ಅಕ್ಟೋಬರ್‌ನಲ್ಲಿ ನಡೆಯಲಿರುವ 'ಗೋಲ್ಡನ್ ವಾಯ್ಸ್ ಆಫ್ ಅಮೆರಿಕಾ' ಕಾರ್ಯಕ್ರಮದಲ್ಲಿ ಪಂಡಿತ್ ಶಿವಕುಮಾರ ಶರ್ಮಾ, ಉಸ್ತಾದ್ ಝಾಕೀರ್ ಹುಸೇನ್ ಅವರ ಜತೆ ಸಂಗೀತ ನಡೆಸಿಕೊಡಲಿದ್ದಾರೆ.

ಈ ಕಾರ್ಯಕ್ರಮಕ್ಕೆ ಪ್ರವೇಶ ಕೋರಿ ಫ್ರಾಂಕ್‌ ಸಿನಸ್ರಾತ್‌ನಲ್ಲಿ ತಾನು ನೀಡಿದ್ದ ಜನಪ್ರಿಯ ಕಾರ್ಯಕ್ರಮದ ಕ್ಲಿಪ್ಪಂಗ್‌ ಅನ್ನು ನೀಲಾಂಜನ ಮಾರ್ಚ್‌ನಲ್ಲಿ ಕಳಿಸಿಕೊಟ್ಟಿದ್ದರು. ಒಂದು ತಿಂಗಳ ಬಳಿಕ ಆಕೆ ಮ್ಯೂಸಿಕಲ್ ಥಿಯೇಟರ್/ಡಿಸ್ನಿ, ಬ್ರಾಡ್‌ವೇ, ಜಝ್ಝ್ ವಿಭಾಗಕ್ಕೆ ಆಯ್ಕೆಯಾಗಿದ್ದಾರೆ. ಫ್ರಾಂಕ್‌ ಸಿನಸ್ರಾತ್‌ನಲ್ಲಿ ಹಾಡಿದ್ದ ಹಾಡನ್ನೇ ಅವರು ಕಾರ್ನೆಜಿ ಹಾಲ್‌ನಲ್ಲಿ ಅಕ್ಟೋಬರ್‌ನಲ್ಲಿ ಹಾಡಲಿದ್ದಾರೆ. ಇತರ ವಿಭಾಗಗಳಲ್ಲೂ ಕಲಾವಿದರು ಕಾರ್ಯಕ್ರಮ ನೀಡಲಿದ್ದಾರೆ.

'ಸಂಹಿತಾ ಅಕಾಡೆಮಿ'ಯಲ್ಲಿ ಎಂಟನೇ ತರಗತಿಯಲ್ಲಿರುವ ನೀಲಾಂಜನ ಆರನೇ ವಯಸ್ಸಿಂದ ಸಂಗೀತ ಅಭ್ಯಾಸ ಆರಂಭಿಸಿದ್ದು, ಬೆಂಗಳೂರಿನ 'ತಕಧಿಮಿ' ಸಂಗೀತ ಶಾಲೆಯಲ್ಲೂ ಅಭ್ಯಾಸ ಮಾಡಿದ್ದಾರೆ. ಸಂಗೀತದ ವಿಚಾರದಲ್ಲಿ ಆ ಸಂಸ್ಥೆ ಮಗಳಿಗೆ ಬಹಳಷ್ಟು ನೀಡಿದೆ. ಟಾಟಾ ಹೇಳುವುದು ಬಿಟ್ಟರೆ ಆಕೆ ಎಡಗೈ ಬಳಸುತ್ತಾರೆ,'ಎಂದು ತಾಯಿ ಸಂಗೀತಾ ಮತ್ತು ತಂದೆ ಜಯಂತ್ ಅನಂತ್‌ಕೃಷ್ಣನ್ ಹೇಳುತ್ತಾರೆ.

'ತಕಧಿಮಿ' ಕೇಂದ್ರದ ಶಿಕ್ಷಕಿ ರಾಗಿಣಿ ಅವರು ಕೂಡ ನೀಲಾಂಜನ ಅವರ ಸಂಗೀತ ಪ್ರತಿಭೆ, ಪರಿಶ್ರಮದ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.